Гэта адбудзецца ў ноч з 11 на 12 верасня.
Прэм’ер-міністр Дональд Туск заявіў, што ў ноч з чацвярга на пятніцу ў мэтах дзяржаўнай бяспекі Польшча закрые мяжу з Беларуссю, уключаючы чыгуначныя пераходы, у сувязі з вучэннямі «Захад».
«У пятніцу пачынаюцца вельмі агрэсіўныя з пункту гледжання ваеннай дактрыны расійска-беларускія вучэнні на тэрыторыі Беларусі, зусім блізка да польскай мяжы. Гэта мае розныя наступствы, у тым ліку і адказ з нашага боку — вучэнні польскага войска і саюзніцкіх сіл», — сказаў ён.
Ён дадаў, што мэтай расійска-беларускіх вучэнняў з'яўляецца таксама Сувалкаўскі калідор.
Прэм’ер адзначыў, што Польшча мае таксама справу з ростам колькасці розных правакацый з боку Расіі і Беларусі.
Сумесныя расійска-беларускія вучэнні «Захад-2025» пройдуць з 12 па 16 верасня.
Цяпер на беларуска-польскай мяжы працуе толькі адзін пункт пропуску.
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам14
Каментары