У Нясвіжы збіраюцца рэканструяваць Ратушную плошчу. Ёсць чатыры варыянты, як гэта зрабіць
У гістарычным цэнтры Нясвіжа плануецца маштабная рэканструкцыя Ратушнай плошчы. На конкурс архітэктурных праектаў пададзена чатыры варыянты, і зараз ідзе галасаванне за найлепшую прапанову, паведамляе выданне «Нясвіжскія навіны».
Свае прапановы падалі арганізацыі і прыватныя прадпрымальнікі. Кожны варыянт робіць акцэнт на функцыянальнасці плошчы і яе прывабнасці для турыстаў і жыхароў.
Рэканструкцыя будзе праводзіцца ў межах вуліц Чкалава, Беларускай і Чапаева (вуліцы Савецкай). Асноўная ўмова — аднаўленне гістарычных параметраў плошчы і яе знешняга выгляду. Пры гэтым яна павінна застацца зручнай для выкарыстання: неабходна прадугледзець пешаходныя зоны, месцы для паркоўкі, арганізацыю транспарту, новае азеляненне і малую архітэктуру. Таксама ў праекце запланавана будаўніцтва сцэнічнай пляцоўкі і частковае пераабсталяванне наяўных гандлёвых радоў. Усе прапановы павінны ўлічваць строгія патрабаванні ахоўных зон і адаптацыю фасадаў сучасных будынкаў пад гістарычную забудову.
Адзін з удзельнікаў конкурсу, кампанія «ВіаСЭТрэйд», прапануе вярнуць плошчы пешаходны статус і вызваліць яе ад транзітнага транспарту. У рамках гэтага варыянту асфальтавае пакрыццё замяняецца на брук, які павінен аб’яднаць розныя зоны прасторы і зрабіць яе больш гарманічнай. Таксама прапануецца высадзіць каля 80 дрэў па перыметры, у тым ліку ўстойлівыя пароды, каб замяніць старыя насаджэнні, якія страцілі жыццяздольнасць.
Яшчэ адна канцэпцыя, створаная індывідуальным прадпрымальнікам Аляксандрам Трусавым, накіраваная на аднаўленне гістарычнай формы плошчы, якая з цягам часу змянілася з-за пазнейшай забудовы. Для гэтага прапануецца выкарыстанне часовых архітэктурных элементаў, каб аднавіць першапачатковыя межы.
Таксама разглядаецца ідэя адкрыць від на касцёл Божага Цела, прыбраўшы канструкцыі, якія перашкаджаюць агляду гістарычнай дамінанты. Гэта павінна падкрэсліць архітэктурны ансамбль і сувязь розных эпох.
Іншы праект, створаны Творчай майстэрняй архітэктара Юрыя Самойліка, прапануе змяніць архітэктурнае асяроддзе вакол ратушы, каб сфарміраваць адзіны ансамбль будынкаў. Прадстаўленая ідэя імітацыі фасадаў у сярэднявечным стылі, каб візуальна аб’яднаць разрозненыя будынкі ў адзінае стылістычнае рашэнне.
Акрамя таго, прапануецца стварыць летні амфітэатр з паўднёвага боку плошчы, што магло б стаць штуршком для развіцця культурнага жыцця горада.
Урэшце, інстытут «Мінскграмадзянпраект» прапануе выкарыстаць канцэпцыю тэатра як асноўны прынцып арганізацыі прасторы. У гэтай мадэлі элементы азелянення, арт-аб’екты і малыя формы павінны не толькі ўпарадкоўваць тэрыторыю, але і ствараць розныя сцэнарыі ўспрымання плошчы, фарміраваць глыбіню прасторы і падкрэсліваць яе маштаб.
У Мінску расказалі, якой будзе былая Валадарка пасля рэканструкцыі ФОТЫ
Палац Тышкевічаў у Валожыне стане музеем
Стала вядома, навошта на фасад аднаго з гістарычных будынкаў у Мінску падчас рэканструкцыі паставілі металічныя калоны
У Мінску аб'явілі пра планы стварыць сквер на былых каталіцкіх могілках. Але там ужо даўно ідзе будаўніцтва
У ціхі квартал у цэнтры Мінска прыдуць перамены. Там будзе вялізны сквер, цэнтр сучаснага мастацтва і паркінг
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ48
Каментары
... і перад вачыма "памятный знак на месте первой мінской электростанціі" (