У Мінску рыхтуюць новыя правілы выкарыстання шэрынгавых сродкаў персанальнай мабільнасці — найперш электрасамакатаў і веласіпедаў, паведаміў намеснік начальнік УДАІ ГУУС Мінскага гарвыканкама Дзяніс Лівановіч.
Паводле папярэдняй інфармацыі, плануецца ўвесці новыя зоны, дзе рух на такіх сродках будзе забаронены. У іх уключаць тэрыторыі бальніц, асабліва з вялікімі ўнутранымі дварамі, а таксама некаторыя цэнтральныя вуліцы (напрыклад, Камсамольскую, Ленінградскую, Кірава), дзе вузкія тратуары і шмат пешаходаў.
Акрамя таго, хочуць абмежаваць паркоўку шэрынгавых самакатаў і веласіпедаў. У прыватнасці:
- забараніць іх стаянку на асобных участках праспекта Незалежнасці і праспекта Пераможцаў;
- не дазваляць пакідаць іх бліжэй чым за 50 метраў ад уваходаў у метро.
Разам з тым, каб не зніжаць даступнасць, пакідаць транспарт можна будзе на сумежных вуліцах побач з гэтымі праспектамі.
Яшчэ адно планаванае новаўвядзенне — адказнасць сэрвісаў пракату. Кампаніі абавязваюць рэагаваць на парушэнні карыстальнікаў: выносіць папярэджанні або нават блакаваць акаўнты. Гаворка ідзе пра сур’ёзныя парушэнні, напрыклад, язду ўдваіх, праезд на чырвонае святло, рух па праезнай частцы або стварэнне аварыйнай сітуацыі.
Гэтыя меры, як сцвярджаецца, распрацоўваюцца разам з аператарамі шэрынгу, каб зрабіць карыстанне транспартам больш бяспечным і зручным для гараджан.
Цана адной паездкі: у Гомелі асудзілі дзяўчыну, якая на самакаце збіла пенсіянерку. Як пакаралі?
ДАІ: Калі аўто, выязджаючы з двара, саб'е самакат, то вінаватым прызнаем самакатчыка
Мінскі пенсіянер скраў дзіцячы самакат з паркоўкі
Цяпер будуць адключаць пракат самакатаў падчас дрэннага надвор’я
Стала вядома, калі ў Мінску стартуе сезон пракату самакатаў
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары