Сярод перададзеных Польшчай Беларусі — таксіст з «Паспалітага рушэння» Уладзіслаў Надзейка
Дзяржаўнае агенцтва БелТА апублікавала рэпартаж з сустрэчы на мяжы лукашэнкаўскіх і расійскіх шпіёнаў, перададзеных Польшчай у Беларусь у рамках сённяшняга абмену. Пры гэтым былі названыя яшчэ два прозвішчы, якія раней не гучалі.
Сярод тых, хто быў перададзены з Польшчы ў Беларусь, акрамя раней вядомых высокапастаўленага малдаўскага спецслужбіста і адначасова беларускага шпіёна Аляксандра Бэлана і расіян Аляксандра Буцягіна ды Ніны Паповай, названы таксама беларус Уладзіслаў Надзейка. Ён працаваў таксістам у Беластоку, быў удзельнікам Беластоцкай харугвы «Паспалітага рушэння» і адначасова займаўся шпіёнскай дзейнасцю.
Што тычыцца людзей, перададзеных з Беларусі ў Польшчу, то акрамя раней ужо вядомых Андрэя Пачобута і Гжэгажа Гавела, прагучала імя Томаша Бярозы — грамадзяніна Польшчы, які быў жанаты з беларускай і жыў з сям'ёй у Кобрыне. У 2024 годзе ён быў асуджаны па ч.1 арт. 358‑1 КК (агентурная дзейнасць) і арт. 358 (шпіянаж) на 14 гадоў у калоніі ўзмоцненага рэжыму.
Цікава, аднак, што перад гэтым прэм'ер-міністр Польшчы Дональд Туск паведаміў, што разам з Пачобутам і Гавелам вызвалены не названы ім грамадзянін Беларусі, які супрацоўнічаў з польскімі спецслужбамі. Пад гэта акрэсленне падыходзіў Дзмітрый Пазнякоў, якога судзілі па адной справе з Бярозам, але не сам Бяроза.
У затрыманага ў Польшчы таксіста-шпіёна знайшлі спіс беларусаў, за якімі ён меў заданне сачыць
Затрыманы ў Польшчы беларускі таксіст-шпіён быў сябрам «Паспалітага рушэння»
У эфіры БТ выйшаў шпіёнскі фільм пра асуджаных Дзмітрыя Пазнякова і Томаша Бярозу
Прапагандысты анансавалі інтэрв'ю з усімі палякамі, асуджанымі ў Беларусі за шпіянаж
Туск: Сярод вызваленых сёння — беларус, які супрацоўнічаў з польскімі спецслужбамі
Каментары