Міністэрства сельскай гаспадаркі і харчавання вынесла на грамадскае абмеркаванне новы законапраект аб сялянскіх (фермерскіх) гаспадарках. Дакумент вызначае іх прававы статус, парадак стварэння, працы, рэарганізацыі і ліквідацыі, а таксама правы і абавязкі заснавальнікаў і членаў гаспадарак, піша Myfin.by.
Праект закона прадугледжвае некалькі новых магчымасцяў для фермераў. У прыватнасці, ім хочуць дазволіць:
- удзельнічаць у фарміраванні дзяржаўных стабілізацыйных фондаў прадукцыі;
- бясплатна перадаваць непрададзеную сельскагаспадарчую прадукцыю арганізацыям і людзям як спонсарскую дапамогу;
- удзельнічаць у праектах дзяржаўна-прыватнага партнёрства;
- ствараць аб’яднанні і холдынгі без утварэння асобнай юрыдычнай асобы.
Таксама плануецца распаўсюдзіць на фермерскія гаспадаркі дзяржаўную падтрымку, якой ужо карыстаюцца сельскагаспадарчыя арганізацыі.
Акрамя таго, райвыканкамы змогуць заключаць з фермерамі спецыяльныя дамовы аб развіцці вытворчасці сельгаспрадукцыі. Мяркуецца, што гэта дапаможа больш эфектыўна выкарыстоўваць зямлю, прыцягваць гаспадаркі да інвестыцыйных і сацыяльных праектаў, а таксама да стварэння запасаў бульбы і агародніны.
Грамадскае абмеркаванне законапраекта будзе праходзіць з 8 да 18 мая на Прававым форуме Беларусі.
Лукашэнку закарцела мець пад Мінскам яблыневы сад
Як дыпламаваны юрыст завёў дойны статак і стаў папулярным сельскім блогерам
Беларусы купілі тур на палі цюльпанаў, а ўбачылі толькі зеляніну
Міхаіл Гуцэрыеў збіраецца прыйсці ў беларускую сельскую гаспадарку
За палітыку асудзілі маладога валожынскага фермера
Каментары
Прыватнікам не трэба ні ў якім разе звязвацца з лукашысцкімі дзяржустановамі і прадпрыемствамі. Нельга браць ніякія льготы -- гэта схема каб у будучыні аштрафаваць на мільёны і ўсё забраць.