На фронце ва Украіне выпрабавалі чалавекападобных робатаў, створаных амерыканскім стартапам Foundation Future Industries, які з’явіўся ў 2024 годзе. У будучыні гэтыя распрацоўкі плануюць прапанаваць арміі ЗША, паведамляе CNBC.
Кампанія ставіць перад сабой мэту стварыць робатаў, якія змогуць выконваць небяспечную працу замест людзей — як у ваенных умовах, так і ў прамысловасці. Кіраўнік стартапа лічыць, што галоўная карысць такіх тэхналогій — гэта магчымасць замяніць чалавека там, дзе існуе рызыка для ягонага жыцця.
У пачатку гэтага года ва Украіну былі накіраваныя два робаты мадэлі Phantom MK-1. Іх выкарыстоўвалі ў якасці эксперыменту — гэта першы вядомы выпадак прымянення чалавекападобных робатаў у баявых умовах. Выпрабаванні праходзілі пры падтрымцы ўрада ЗША і з удзелам украінскіх спецыялістаў.
Асноўная задача робатаў — лагістыка ў небяспечных зонах, напрыклад, дастаўка неабходных рэчаў на перадавую. Гэта важна, бо такія заданні часта падвяргаюць салдат вялікай рызыцы.
Украіну выбралі для выпрабаванняў невыпадкова. За час вайны з Расіяй яна ўжо стала своеасаблівай пляцоўкай для праверкі новых вайсковых тэхналогій, у тым ліку робататэхнікі і штучнага інтэлекту. Там ужо выкарыстоўваюцца наземныя робаты для перавозкі грузаў, а таксама дроны для разведкі і дакладных удараў.
Першыя выпрабаванні паказалі, што Phantom MK-1 сапраўды можа быць карысны для дастаўкі грузаў. Аднак у яго ёсць і істотныя абмежаванні: ён можа несці толькі каля 20 кілаграмаў, не абаронены ад вады і мае недастатковы час працы ад акумулятара. Таму пакуль што такія робаты не гатовыя да шырокага выкарыстання.
Кампанія ўжо працуе над новай мадэллю — Phantom 2. Чакаецца, што яна будзе значна больш магутнай: зможа перавозіць удвая больш грузу і атрымае значна лепшыя характарыстыкі.
Акрамя гэтага, стартап плануе ўжо ў найбліжэйшы час наладзіць вытворчасць у маштабах тысяч адзінак і на працягу наступных паўтара года пачаць больш шырокія выпрабаванні разам з амерыканскімі вайскоўцамі.
У Варшаве пасялілі чалавекападобнага робата — ён ганяе дзікоў і размаўляе з народам
У Японіі змагаюцца з мядзведзямі пры дапамозе «ваўкоў-монстраў» з чырвонымі вачыма
Украінскія дроны і робаты здольныя браць расіян у палон без прысутнасці людзей
Пяць тэхналогій, якія могуць радыкальна змяніць свет у бліжэйшыя 25 гадоў
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам11
Каментары
На двоих соображать веселее, а третий лишний, да и интелекта для этого особого не надо, как разработчику, так и роботу.
Обоих, если что, на сцену, подруки выведут, чтобы сильно не опозориться.
[Зрэдагавана]