«Сусветных цэнаў на газ» не існуе. Піша Сяргей Богдан.
«Сусветных цэнаў на газ» не існуе. Піша Сяргей Богдан.
Цяперашні газавы канфлікт надта многімі палітыкамі абмяркоўваецца ў бессэнсоўных катэгорыях «сусьветных/эўрапейскіх цэнаў». Вядома, вылічыць ці вызначыць сусьветную ці эўрапейскую цану можна, але гэта будзе карысная велічыня толькі для ацэнкі глябальнай/агульнаэўрапейскай эканамічнай каньюнктуры.
Ёсьць пэўная катэгорыя тавараў/паслугаў, перадусім сыравіны, чые продажы надзвычай залежаць ад транспартаваньня. Гэта золата можна купляць і вазіць з кантынэнта на кантынэнт, а таму яго цана на
Іншая сытуацыя, напрыклад, з вуглевадародамі — нафтай ды газам. Вазіць іх складана, праз трубы гнаць — патрэбная інфраструктура. У такой сытуацыі няма сэнсу казаць пра «сусьветную», «эўрапейскую» цану, бо геаграфічнае разьмяшчэньне краіны і наяўнасьць у яе інфраструктуры ці магчымасьцяў для дастаўкі вуглевадародных энэрганосьбітаў і вызначыць для яе цану на нафту ці газ. І што з таго, што ў Заходняй Эўропе цана такая ці іншая, калі мы той газ адтуль прывезьці ня можам.
Іншая справа, што ў цэнах на нафту і газ надта часта існуе палітычны складнік. Бо вуглевадародныя энэрганосьбіты ляжаць ў аснове ўсёй мадэрнай эканамічнай актыўнасьці. Спыненьне ці нават значнае абмежаваньне іх прытоку імгненна валіць з ног нават самую моцную дзяржаву. Напрыклад, чаму Блізкі Ўсход такі важны ў сусьветнай палітыцы сёньня? Выключна дзеля наяўнасьці там асноўнай крыніцы забесьпячэньня. Як толькі будзе знойдзеная альтэрнатыва, Блізкі Ўсход вернецца ў той застойны стан, у якім ён гібеў да пачатку ХХ стагоддзя і адкрыцьця нафты. Ці даўно зіхоткія Аб’яднаныя Арабскія Эміраты зваліся «Разбойніцкім берагам»?
Таму наяўнасьць саюзьніцкіх стасункаў сапраўды дае падставы Менску разьлічваць на зьніжкі. Іншая справа, што Газпрам ня проста дамешвае расейскую імпэрскую вонкавую палітыку да свайго бізнэсу, ён яе наўпрост вядзе.
-
Статкевіч: Для Беларусі можа стварыцца такая сітуацыя, што ўсе дзяржавы вакол нас будуць мець ядзерную зброю
-
Стаўка большая, чым жыццё: што азначае ліст Зяленскага Пуціну
-
Палітвязень Кім Самусенка параўнаў свет на моманты яго пасадкі і вызвалення: Усё нядрэнна для еўрапейскай цывілізацыі, а значыць, і для беларусаў
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары