КДБісты не пусцілі супрацоўнікаў ЖЭСа ў памяшканне.
КДБісты не пусцілі супрацоўнікаў ЖЭСа ў памяшканне.
У сваім блогу адзін з работнікаў ЖЭСа, якой абслугоўваецца дом і Уладзімір Някляева, апісаў паход сваіх калег да паэта. Нехта зрабіў перапланіроўку ў доме, якая прывяла да знікнення вентыляцыі.
Імаверна ў кватэры Някляева, дзе паэт знаходзіцца пад хатнім арыштам, і была зроблена незаконная перапланіроўка.
У кватэру супрацоўнікі КДБ нікога не пусцілі.
«Звоняць у кватэру Някляева. Там праз дзверы базараць два ГБшнікі, маўляў, у хату нікога не пусцім, — піша супрацоўнік ЖЭСа. — Потым далі слова Някляевай жонцы, тая выбачылася, але ні х… не змагла зрабіць. Так мае калегі і звалілі, нясолана хлябаўшы», — працягвае блогер.
А вось начальніку ЖЭСа пасля пяць разоў тэлефанавалі з Камітэта і пыталіся, хто і навошта прыходзіў. У выніку самаму начальніку давядзецца абследаваць кватэру паэта. І калі выявіцца, што менавіта Някляевы парушылі закон, на гаспадара будзе складзены пратакол.
«НН» звязалася з раённым ЖРЭА, каб даведацца, што чакае Уладзіміра Някляева, калі яго прызнаюць вінаватым.
— Калі парушальнік сам прызнае сваю віну, суд звычайна прызначае мінімальны штраф — 350 тысяч рублёў. — патлумачыла намеснік аддзела кадраў Таццяна Лявіцкая. — Але, калі парушальнік не прызнае сваёй віны — могуць даць і максімальны штраф: 50 базавых велічынь (1 750 000 рублёў). І, канешне ж, аднаўленне вентыляцыі таксама праводзіцца за кошт парушальніка.
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома2
Каментары