Мікрамаштабная акцыя пратэсту прайшла ў Брэсце
Што выйшла з ідэі ў сацыяльных сетках сабрацца 1-га чысла на галоўнай плошчы горада, каб здзейсніць рэвалюцыю.
Інтэрнэт-актывісты прапанавалі зладзіць «рэвалюцыю праз сацыяльную сетку».
Так называецца група «Вконтакте», ідэйныя натхняльнікі якой заклікалі незадаволеных сітуацыяй, якая склалася ў краіне, выйсці 1 чэрвеня на галоўныя плошчы гарадоў.
Інфармацыя пра тое, што ў краіне наспявае «рэвалюцыя праз сацыяльную сетку» да мяне дайшла выпадкова праз калегаў за некалькі гадзін да першай несанкцыянаванай акцыі. Як абвяшчаў тэкст «маніфэсту», размешчаны ў «Вконтакте»,
1 чэрвеня а 19.00 пратэстоўцам неабходна было сабрацца на галоўнай плошчы горада -- таго, у якім яны пражываюць.
Падступны план «перавароту»
быў геніяльна просты: прыйсці самім, паклікаць сяброў і да 19.30 «знаходзіцца на гэтай плошчы» і «проста гуляць».Проста стаяць: без сцягоў, транспарантаў і сімволікі. Выйсці і ўсё. Гучала інтрыгавальна і прывабна. Вырашыў схадзіць і я.
Прыйшоў на плошчу Леніна ў Брэсце я загадзя. Журналісцкі нюх не падвёў.
Тут ужо тоўпіўся народ: мамы - з каляскамі, дзеці - у фантане, бабулі і дзядулі - на лаўках і Уладзімір Ільіч - на пастаменце.Усе дзейнічалі строга паводле плана: ні сцягоў, ні значкоў, ні транспарантаў з антыўрадавымі лозунгамі. Нічога.
Падазрэнне выклікаў толькі бел-чырвона-белы
водны пісталецік ў руках сямігадовага хлопчыка. Ах так, падцягнуліся сюды з той жа мэтай яшчэ і трое калегаў.
Роўна а 19-й на плошчы з'явіліся і прадстаўнікі дэмакратычнай грамадскасці, праўда, у вельмі абмежаваным складзе. Такім чынам, па маіх падліках, колькасць людзей, якія выйшлі на плошчу свядома, а не «апынуліся ў гэтым месцы ў непатрэбны час»,
дасягнула 9 чалавек.Калі браць у разлік яшчэ і тых, хто па знешніх прыкметах быў падобны на «маўклівых дэманстрантаў»,
то лічба, магчыма, магла б вырасці да 12.
Журналісты і дэмакраты аб'ядналіся і сталі ў гурток.
Як і належыць, выстаялі да 19.30, пасля чаго разышліся.
У інфармацыі, размешчанай на старонцы групы, паведамляецца, што такія несанкцыянаваныя мерапрыемствы плануецца праводзіць штотыдзень,
пакуль на плошчы не збярэцца 1 000 чалавек.Тады «гэта будзе знак таго, што можна прыступаць да больш актыўных дзеянняў».
-
Статкевіч: Для Беларусі можа стварыцца такая сітуацыя, што ўсе дзяржавы вакол нас будуць мець ядзерную зброю
-
Стаўка большая, чым жыццё: што азначае ліст Зяленскага Пуціну
-
Палітвязень Кім Самусенка параўнаў свет на моманты яго пасадкі і вызвалення: Усё нядрэнна для еўрапейскай цывілізацыі, а значыць, і для беларусаў
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары