Mikoła Kupava: Svajoj akcyjaj chaču padkreślić značnaść Kastusia Kalinoŭskaha ŭ ajčynnaj historyi
3 maja viadomy biełaruski mastak Mikoła Kupava prezientavaŭ u ofisie Partyi BNF u Minsku prajekt «Try partrety Kastusia Kalinoŭskaha», pryśviečany ŭhodkam nacyjanalna-vyzvolnaha paŭstańnia 1863—1864 hadoŭ.
Mastak pradstaviŭ try svaje pracy: «Kastuś Kalinoŭski» (Linaryt. 290ch198 mm. 1976 h.); «Kastuś Kalinoŭski. Na pačatku» (Linaryt. 500ch365 mm. 1977 h.) i «Partret Kastusia Kalinoŭskaha» (Kalarovy linaryt. 606ch440 mm. 1978 h.) Hetyja tvory buduć ekspanavacca ŭ ofisie Partyi BNF da kanca maja.
Na praciahu hetaha času možna budzie padavać zajaŭki na ŭdzieł u adkrytym aŭkcyjonie, jaki stanie zaviaršeńniem prajekta. Pałovu atrymanych na aŭkcyjonie srodkaŭ mastak źbirajecca pieradać na rekanstrukcyju klaštara bazyljanaŭ u Oršy. Hety pomnik vilenskaha baroka 1770 hoda pabudovy (aśviačony ŭ 1774 hodzie) užo dziesiać hadoŭ staić biez dachu i razburajecca ad śniehu, marazoŭ, daždžoŭ i sonca. U 1969 hodzie ŭłady horada razburyli śviatyniu Apieki Maci Božaj, jakaja razam z klaštarnym budynkam utvarała adziny, unikalny pa pryhažości kompleks. Mastak prapanavaŭ haradskim i abłasnym uładam pryniać rašeńnie ab adnaŭleńni kompleksu klaštara całkam, z kaściołam Apieki Maci Božaj uklučna. Ale ŭłady nie nadali ŭvahi hetaj prablemie i prapanovie mastaka. Mikoła Kupava zaklikaje ludziej, jakija cikaviacca mastactvam, a taksama padzialajuć zakłapočanaść stanam architekturnaj spadčyny, uziać aktyŭny ŭdzieł u dabračynnym aŭkcyjonie. Taki aŭkcyjon pravodzicca ŭ Biełarusi ŭpieršyniu. Achvotnych uziać u im udzieł prosiać telefanavać na numar +375-29-551-32-36 (MTS).
Pavodle słoŭ majstra, svajoj akcyjaj jon choča padkreślić značnaść Kastusia Kalinoŭskaha ŭ ajčynnaj historyi naohuł i ŭ ciapierašni pieryjad, kali «my faktyčna apynulisia pierad faktam jaho, miakka kažučy, dyskredytacyi».
Pakolki ŭsie try partrety roznyja — i pa farmacie, i pa technicy vykanańnia, to i košt ich budzie rozny: ad 100 da 200 dołaraŭ, paviedamiŭ Kupava.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary