Ruch «Za Svabodu», «Havary praŭdu!» i Partyja BNF damovilisia ab kaalicyi
Hramadzianskaja kampanija «Havary praŭdu!», ruch «Za Svabodu» i Partyja BNF zajavili pra doŭhaterminovaje stratehičnaje partniorstva. «Takoha kroku dahetul biełaruskaja apazicyja nie rabiła», — skazaŭ lidar «Havary praŭdu!» Uładzimir Niaklajeŭ napres-kanfierencyi ŭ Minsku 20 maja.
Meta partniorstva — palityčnyja i ekanamičnyja źmieny ŭ Biełarusi, što niemahčyma bieź źmieny ŭłady, padkreśliŭ Niaklajeŭ.
Jon vykazaŭ upeŭnienaść u tym, što stratehičnyja partniory zmohuć znajści adkaz i na pytańnie ab tym, chto budzie adzinym kandydatam u prezidenty na vybarach 2015 hoda.
«Heta budzie čałaviek, jaki pradstaŭlaje nie tolki apazicyju, ale i bolšuju častku nasielnictva, što vystupaje za pieramieny», — zajaviŭ Niaklajeŭ, kandydat u prezidenty na vybarach 2010 hoda.
Pavodle jaho słoŭ, supracoŭnictva raźličana prynamsi na try najbližejšyja vybarčyja kampanii — vybary ŭ miascovyja saviety, prezidenckija i parłamienckija vybary.
Jak rastłumačyŭ Niaklajeŭ, siońnia było vyrašana pravieści sustreču troch arhanizacyj, tamu što ŭ ich «jość damoŭlenaści pa ŭsich pytańniach». «U nas jość damoŭlenaści i ź inšymi arhanizacyjami, ale nie ŭ takim abjomie. Ale my čujem usie ich prapanovy — i adnosna vybaru adzinaha kandydata, i adnosna farmataŭ udziełu ŭ miascovych vybarach», — padkreśliŭ palityk.
U svaju čarhu lidar ruchu «Za Svabodu», adziny kandydat u prezidenty ad demsił na vybarach 2006 hoda Alaksandr Milinkievič zajaviŭ: «Nie treba bajacca, što tut siadzić nie ŭsia apazicyja».
«Kali b tut byli ŭsie arhanizacyi, my mahli b zahavaryć praces. My doŭha pracavali razam i vypracavali prapanovy, jakija, dumaju, padtrymajuć usie», — skazaŭ Milinkievič. Jon taksama padkreśliŭ: partniorstva nie aznačaje stvareńnia adzinaj arhanizacyi.
Staršynia Partyi BNF Alaksiej Janukievič vykazaŭ upeŭnienaść u tym, što «razam budzie lahčej adstojvać jak palityčnyja mety kožnaj arhanizacyi, tak i nacyjanalnyja intaresy Biełarusi».
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha9
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100100
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary