Bred Pit i Krystyjan Bejł syhrajuć u filmie pra ipatečny kryzis
Ekranizacyju žurnalisckaha rasśledavańnia pryčyn amierykanskaha finansavaha kryzisu 2007 hoda z udziełam słavutych aktoraŭ zdymie studyja Breda Pita Plan B, paviedamlaje Variety.
Kniha-biestseler žurnalista Majkła Ljuisa (The New York Times, Vanity Fair, Slate, Bloomberg) «Vialikaja hulnia na parazu: Tajemnyja spružyny finansavaj katastrofy» vyjšła ŭ 2010 hodzie i ŭvajšła ŭ śpisy lepšych knih hoda pa viersijach The Economist, Bloomberg i Amazon.
U knizie aŭtar raspaviadaje pra finansavy kryzis u ZŠA 2007 hoda, jaki vyklikaŭ chvalu kryzisaŭ pa ŭsim śviecie ŭ 2008-2009 hadach. Adnoj z klučavych pryčyn amierykanskaha kryzisu stali niavypłaty pa ipatečnych kredytach z vysokim uzroŭniem ryzyku (dola takich kredytaŭ da 2006 hoda vyrasła sa zvyčajnych 8% da 20%). Da Biełarusi suśvietny kryzis dabraŭsia ŭ 2011 hodzie, kali nacyjanalnaja valuta devalvavałasia na 270%.
Daty pačatku zdymak i vychadu na ekrany pakul nie nazyvajucca.
Scenarystam ekranizacyi pad nazvaj «Vialikaja hulnia na parazu» stanie Adam Makkiej, viadomy pa filmach «Volnyja braty», «Kopy ŭ hłybokim zapasie» i budučym supierhierojskim bajeviku «Čałaviek-muraš». Studyja Plan B viadomaja surjoznymi dramami nakštałt «Dziońnika pamiaci» i «Tolki Boh daruje».
Hałoŭnyja roli ŭ filmie vykanajuć słavutyja Bred Pit i Krystyjan Bejł, kampaniju im składzie mieniej «zorny», ale nie mieniej zapatrabavany Rajan Hoślinh, jaki atrymaŭ papularnaść paśla filma «Drajv».
Kamientary