Urad Izraila zaćvierdziŭ płan stvareńnia la Ściany płaču ŭ Jerusalimie asobnaha miesca, dzie mužčyny i žančyny zmohuć malicca razam, paviedamlajuć infarmahienctvy.
Zhodna z tradycyjaj, Ściana płaču, dzie praviły pavodzin dyktujuć pradstaŭniki artadaksalnaha kirunku, padzielenaja na mužčynskuju i žanočuju častki. Pryčym žančynam tut pad pahrozaj aryštu zabaroniena padčas malitvaŭ čytać usłych skrutki Tory, vykarystoŭvać rytualnaje pokryva «talit» ci trubić u roh «šofar».
Zaraz da mužčynskaj i žanočaj častki dadasca treci ŭčastak źmiešanaha typu, dzie zmohuć malicca nieartadaksalnyja habrei abodvuch pałoŭ. Pytańnie pra heta asabliva chvaluje amierykanskuju habrejskuju supolnaść, jakaja zajmaje bolš libieralnyja pazicyi, čym artadaksalnyja habrei ŭ Izraili. Za libieralizacyju paradkaŭ vystupajuć paśladoŭniki kansiervatyŭnaha i refarmisckaha judaizmu, jakija składajuć bolšaść u bahatych i ŭpłyvovych habrejskich hramadach Amieryki i Jeŭropy.
Zhodna z novaŭviadzieńniami, źmiašanaja siekcyja atrymaje nieabchodny ryštunak — relihijnyja knihi, pakryvały, skrutki Tory i inšyja pradmiety, nieabchodnyja dla malitvy. Źmiašanaja siekcyja budzie znachodzicca pad upraŭleńniem pradstaŭnikoŭ libieralnych płyniaŭ judaizmu i aktyvistak ruchu «Žančyny ściany», jaki ačoliŭ baraćbu za relihijnuju emansipacyju.
Heta rašeńnie izrailskaha ŭrada vyklikała nieadnaznačnuju reakcyju. Niekatoryja vystupajuć kateharyčna suprać, a, naprykład, kiraŭnik Habrejskich fiederacyj Paŭnočnaj Amieryki Džery Silvierman skazaŭ, što hetaje rašeńnie — «załoh taho, što Izrail — dziaržava dla ŭsich habrejaŭ».
-
Pamiatajecie historyju amierykanki, jakuju trymali ŭ komie paśla śmierci, kab nie spyniać ciažarnaść? Prajšoŭ hod: što ciapier ź dziciem
-
Prezident Balivii Radryha Pas abviaściŭ u krainie nadzvyčajnaje stanovišča
-
U Polščy hramadzianinu Hruzii vystaŭlenyja abvinavačańni ŭ zabojstvie mastaka Siamiona Skrapieckaha
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?13
Kamientary