Nieabyjakavyja da svajho horadu kijaŭlanie nie dajuć spakojnaha žyćcia tamtejšym hierastratam. Padkreślena niepalityčnyja j mirnyja akcyi razam z tym vyłučajucca zhurtavanaściu, rašučaściu j zapaminalnaściu.
Tolki ŭ kancy minułaha tydnia byŭ praviedzieny šerah akcyj abaroncaŭ architekturnaj i landšaftnaj samabytnaści ŭkrainskaj stalicy.
19 krasavika kijaŭlanie abaraniali ad kamercyjnaha vysotnaha budaŭnictva zialonyja schiły Dniapra j Askoldavu mahiłu.
20 krasavika, niahledziačy na drennaje nadvorje, aktyvisty ŭžo baranili kijeŭski viełatrek, na jakim zusim niadaŭna bruiła spartovaje žyćcio, a ciapier naviezienyja budamateryjały dla čarhovaha navabudu.
A 23 krasavaka akcyja suprać bieskantrolnaj zabudovy Kijeva prajšła pierad budynkam haradzkoj rady.
Akcyi abaroncaŭ Kijeva prachodziać mała taho što rehularna, ale j jaskrava dy zapaminalna. Hetak, na akcyi suprać budovy chmaračosu na schile Dniapra aktyvisty ŭstali na chaduli (na fota), a da «subotniku» suprać źniščeńnia viełatreku dałučylisia prafesijnyja ravarysty j veterany rovarnaha sportu.
Choć mierapryjemstvy abaroncaŭ Kijeva majuć padkreślena niepalityčny i mirny charaktar, dzie treba, jany iduć na rašučyja kroki. Hetak, kali achova admoviłasia prapuścić pikietoŭcaŭ na pieratvorany ŭ budaŭničuju placoŭku viełatrek, zmysłyja maładziony nie razhubilisia j pierakusili zamok kusačkami.
Fota — Artiem Čapaj, saveoldkyiv.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?22
Kamientary