Matacyklistu, u DTZ z udziełam jakoha paciarpieŭ supracoŭnik DAI, vystaŭlenaje abvinavačańnie, paviedamiła aficyjny pradstaŭnik Śledčaha kamiteta Biełarusi Julija Hančarova.
«Upraŭleńnie Śledčaha kamiteta pa Minsku praciahvaje rasśledavańnie kryminalnaj spravy ab darožna-transpartnym zdareńni, u jakim paciarpieŭ supracoŭnik DAI HUUS Minharvykankama. Kiroŭcu matacykła vystaŭlenaje abvinavačvańnie pa č.2 art.317 (parušeńnie Praviłaŭ darožnaha ruchu, što paciahnuła pa nieaściarožnaści pryčynieńnie ciažkaha cialesnaha paškodžańnia) Kryminalnaha kodeksa Biełarusi», — skazała Julija Hančarova.
Padčas dopytu ŭ jakaści abvinavačanaha kiroŭca matacykła admoviŭsia ad dačy pakazańniaŭ, skarystaŭšysia svaim pravam. «Śledstva čakaje vynikaŭ ekśpiertnych daśledavańniaŭ pa frahmientach videazapisaŭ, dałučeńni da materyjałaŭ kryminalnaj spravy. Pravodzicca aŭtatechničnaja ekśpiertyza. Śledčyja pracujuć sa śviedkami», — dadała aficyjny pradstaŭnik.
Stan inśpiektara DAI nie źmianiŭsia i zastajecca stabilna ciažkim. Jon znachodzicca ŭ komie.
Jak paviedamlałasia, DTZ zdaryłasia ranicaj 18 krasavika ŭ centry Minska. Inśpiektar DPS źviarnuŭ uvahu na matacyklista, jaki parušaŭ praviły i jechaŭ biez rehistracyjnaha numarnoha znaka, pasprabavaŭ zatrymać jaho. «Supracoŭnik DAI padyšoŭ da kiroŭcy matacykła, pradstaviŭsia i zapatrabavaŭ pradjavić dakumienty, adnak matacyklist dadzienaje patrabavańnie praihnaravaŭ i pasprabavaŭ źjechać. Pry hetym ździejśniŭ najezd na inśpiektara DAI, a zatym sutyknieńnie ź inšym transpartnym srodkam», — raspaviadajuć u DAI svaju viersiju zdareńnia.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu7878
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu78
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary