Tapanimičnaja kamisija pry Haradzienskim harvykankamie pryniała rašeńnie ab pierajmienavańni niekatorych vulic u novadałučanych rajonach horadu.
U suviazi z tym, što niekatory čas tamu da Horadni byli dałučany navakolnyja vioski, paŭstała pytańnie ab nadańni nazvaŭ vulicam u hetych vioskach, tym bolš, što niekatoryja nazvy dublujucca z nazvami ŭ horadzie. Pavodle rašeńnia kamisii na haradzkich uskrainach źjaviacca vulicy ŭ honar haradzienskaha kampazytara Kanstancina Šydłoŭskaha, kamandzira 3‑ha kavaleryjskaha korpusa Mikałaja Aślikoŭskaha, hieroja SSSR Bažory.
Toje, što Horadnia atrymała nazvu vulicy imia Šydłoŭskaha, možna rasceńvać jak dobry znak. Hramadzkaść horada pavinna prykłaści ŭsie vysiłki dziela taho, kab chutka ŭ Horadni źjavilisia vulicy Alaksieja Karpiuka, Michasia Tkačova, Vasila Bykava, Apanasa Cychuna.
U chodzie pasiedžańnia kamisii dałosia zaŭvažyć tendencyju, što haradzkija ŭłady bajacca davać haradzkim vulicam nazvy ŭ honar lepšych ludziej našaj krainy, žyćcio jakich było źviazana z našym horadam — Alaksieja Karpiuka, Vasila Bykava, Michasia Tkačova. Tak kateharyčna była adkinuta prapanova nazvać vulicu ŭ vioscy Kulbaki ŭ honar ksiandza Uładzisłava Tałočki, znakamitaha biełaruskaha śviatara, filozafa, siabra Ju. Jadkoŭskaha. A miž tym akurat u Kulbakach naradziŭsia baćka śviatara, tam dasiul žyvuć jaho svajaki.
Šydłoŭski Alaksandar Kanstancinavič (18.06.1911 — 26.09.2002) dziejač zachodniebiełaruskaha kulturnaha i hramadzka‑palityčnaha žyćcia, kampazytar, aŭtar viadomych piesień, stvaralnik piesiennych kalektyvaŭ, haračy patryjot Biełarusi i Horadni
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej20
Kamientary