Navalny zrabiŭ pamyłku, pahadziŭšysia na debaty z Hirkinym
Piša Andrej Dyńko.
Alaksiej Navalny zrabiŭ pamyłku, pahadziŭšysia na videadebaty ź Iharam Hirkinym. Prapanova debataŭ sychodziła ad apošniaha.
Kali ty pazicyjanuješ siabie jak supiernik Pucinu, ty pavinien debatavać z Pucinym — naŭprost ci nie naŭprost. Kali ž ty staviš siabie na adnu došku ź fihurami typu Hirkina, ty apryjory panižaješsia.
Toje samaje, kali vizavi Łukašenki ŭ Biełarusi šturchajuć na debaty z Hajdukievičami. Ty kidaješ vyklik Łukašenku, a ciabie vystaŭlajuć sam-nasam z asobami, jakija za svaje słovy nie adkazvajuć.
Jak moh Navalny vyhladać u debatach ź piersanažam, jaki «choć i manarchist, ale razumieje — adnavić manarchiju nie ŭdasca. Mała taho, nie ŭdasca i adnavić Rasijskuju impieryju — prynamsi, nie ŭdasca Finlandyju i Polšču. Adnavić manarchiju ŭzoru 1917 hoda niemahčyma, bo tady ŭsie byli viernikami, a car byŭ sakralnaj fihuraj»?
Publiku za miežami Rasii najbolš cikavili pytańni, źviazanyja sa sprobaj Rasii zachapić Danbas i poŭdzień Ukrainy, sprobaj, u jakoj vybitnuju rolu adyhraŭ Ihar Hirkin.
Zbroju uziaŭ u Krymie, hrošy tam ža. A na astatnija pytańni jak aficer ja adkazvać nie budu, bo adkaz na heta pazbavić mianie majho aficerskaha honaru, adkazaŭ Hirkin na pytańnie, dzie jon uziaŭ hrošy i zbroju dla zachopu Słavianska.
Na pytańnie pra źbićcio «Boinha» nad Danbasam Hirkin daŭ dvuchsensoŭny adkaz. Jon klaŭsia Boham, što jahonaje apałčeńnie nie mieła «Bukaŭ». A nie apałčeńnie, a ichtamniety?
Navalny nie asabliva staraŭsia Hirkina za heta zaklajmić, Navalny choča vyhladać nacyjanalistam, a nie libierałam. Tym nie mienš, zhodna z apošnim apytańniem «Centra Levady», tolki 55% rasijan viedaje pra Navalnaha. I z tych, chto viedaje, bolšaść ličyć, što Navalny dziejničaje ŭ intaresach Zachadu. Tolki 7% rasijan majuć pra jaho pazityŭnaje mierkavańnie.
Debaty Navalnaha i Hirkina paćvierdzili, što praciŭnikam Pucina ŭ Rasii nialohka sfarmulavać «vialikuju i prostuju ideju». U biełaruskaj apazicyi takaja ideja jość: heta ideja niezaležnaj i jeŭrapiejskaj Biełarusi. U Navalnaha ž — usio składana. U Hirkina ž ideja nie prostaja, a supierprostaja. Amal jak u Hajdukievičaŭ.
-
«Toje, što jany robiać, heta i adpaviadaje intaresam». Paźniak pachvaliŭ Łukašenku ŭ situacyi z ultymatumam Zialenskaha
-
Illa Andrejeŭ: Starajusia bačyć mahčymaści, jakija dała nam vymušanaja emihracyja
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary