Akcyi sacyjalnaj sietki Facebook upali na 24% adrazu paśla zakryćcia asnoŭnych tarhoŭ u ZŠA. Kvartalnaja finansavaja spravazdača kampanii akazałasia horšaj, čym čakała bolšaść analitykaŭ.
Dla adnoj z samych darahich kampanij u śviecie heta aznačaje, što ŭładalniki akcyj Facebook stracili ŭsiaho za niekalki chvilin sumarna kala 150 miljardaŭ dalaraŭ. Da abviaščeńnia ab finansavych vynikach akcyi Facebook znachodzilisia na histaryčnym maksimumie; za 2018 hod jany vyraśli na 23%.
U spravazdačy Facebook skazana, što vyručka kampanii za kvartał vyrasła na 42% i dasiahnuła 13,2 miljarda dalaraŭ. Analityki čakali, što hety pakazčyk pavialičycca da 13,3 miljarda — i heta pieršy vypadak z 2015 hoda, kali vyniki Facebook akazalisia horšymi, čym mierkavali analityki.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary