Udzielnik Pussy Riot i vydaviec «Miedyjazony» Piotr Viarziłaŭ aślep, ahłuch i nie zdolny samastojna pierasoŭvacca. Pra heta paviedamlaje Reuters.
Paśla taho, jak aktyvista dastavili na lačeńnie ŭ Niamieččynu, jaho stan pačaŭ lepšać. «Jamu lepš. Usio dobra», — zajaviła jaho hramadzianskaja žonka Vieranika Nikulšyna, admoviŭšysia ad padrabiaznaściej.
Viarziłava vyvieźli na pryvatnym samalocie z Rasii za košt arhanizacyi «Kino za mir». U siecivie źjavilisia zdymki, na jakich niamieckija paramiedyki rychtujuć aktyvista da pieravozki ŭ balnicu. Na hetych fotazdymkach Viarziłaŭ lažyć na katałcy z zapluščanymi vačyma. Taksama źjaviłasia 11-siekundnaje videa ź Viarziłavym, jaki siadzieŭ u samalocie.
Raniej adznačałasia, što daktary stabilizavali stan Viarziłava, kab jaho možna było vypisać z reanimacyi, ale ŭ jaho ŭsio jašče zachoŭvajucca halucynacyi i vostraje palimorfnaje psichatyčnaje rasstrojstva.
Aktyvista špitalizavali 11 vieraśnia, a 15-ha jon pryjšoŭ u siabie. Pryčyny zdareńnia pakul nieviadomyja.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary