Ukrainski biznesmien Ihar Kałamojski zajaviŭ haziecie Financial Times, što novamu prezidentu krainy Uładzimiru Zialenskamu varta abjavić defołt i śpisać zamiežny doŭh dziaržavy, piša RBK.
«Na maju dumku, my pavinny stavicca da našych kredytoraŭ hetak ža, jak Hrecyja», — skazaŭ jon. «Heta prykład dla Ukrainy», — dadaŭ Kałamojski.
U 2015-m Hrecyja svoječasova nie vypłaciła Mižnarodnamu valutnaha fondu (MVF) €1,6 młrd, što ekvivalentna defołtu.
Kałamojski ličyć, što Ukrainie nie treba bajacca defołtu. «Kolki razoŭ Arhiencina abjaŭlała pra defołt?» — skazaŭ jon i dadaŭ, što ŭ vyniku Buenas-Ajres restrukturavaŭ zapazyčanaść i zaraz «usio ŭ paradku».
Pa słovach biznesmena, pieramoha Zialenskaha na vybarach prezidenta kaža pra toje, što hramadzianie krainy chočuć adpačyć ad reformaŭ, jakich patrabuje MVF. «Kali Zialenski budzie słuchać zachad i nie stanie rabić ułasnych pryznačeńniaŭ, to jon skončyć jak Parašenka. U jaho budzie toj ža ŭzrovień padtrymki — 5, 10 ci 15% zamiest 73», — ličyć Kałamojski.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary