Arhanizatary Dnia Voli prajhrali sud milicyi i pavinny apłacić 8 tysiač rubloŭ
U sudzie Maskoŭskaha rajona Minska 1 žniŭnia zaviaršyŭsia razhlad pazovu HUUS da zajaŭnikaŭ akcyi Dzień Voli ŭ Kijeŭskim skviery — Juryja Hubareviča, Volhi Kavalkovaj, Mikałaja Kazłova i Ihara Barysava, paviedamlaje spring96.org.
U 14:00 sudździa abviaściła vynik: u zadavalnieńni pazovu Barysava i inšych arhanizataraŭ Dnia voli ab admienie damovy ź milicyjaj admoŭlena, iskavyja patrabavańni HUUS Minharvykankama zadavoleny ŭ poŭnym abjomie. Za akazańnie pasłuh pa achovie pravaparadku viedamstvu pavinny zapłacić 8 tysiač 13 rubloŭ.
Raniej arhanizatary Dnia voli ŭ Minsku źviarnulisia ŭ sud z zajavaj da Hałoŭnaha ŭpraŭleńnia ŭnutranych spraŭ Minharvykankama dla skasavańnia dahavora na akazańnie pasłuh pa achovie pravaparadku padčas mitynhu i kancerta 24 sakavika 2019 hoda.
U im pazoŭniki adznačali, što padčas śviata biespadstaŭna byli zatrymanyja jak minimum dva aktyvisty — Źmicier Daškievič i Vital Rymašeŭski. Akramia taho, supracoŭniki milicyi zabaraniali pad pahrozaj zatrymańnia ŭdzielnikam mierapryjemstva pakidać placoŭku ź bieł-čyrvona-biełymi ściahami, čym psavali nastroj ludziam. Tym samym, ličać zajaŭniki, milicyja nie vykanała svaich abaviazacielstvaŭ pa achovie pravaparadku padčas masavaha mierapryjemstva.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary