Uviadzieńnie balnaj sistemy acenki pracy supracoŭnikaŭ milicyi — sproba stać bolš humannymi i blizkimi da ludziej. Takoje mierkavańnie siońnia vykazaŭ žurnalistam ministr unutranych spraŭ Juryj Karajeŭ paśla kalehii UUS Viciebskaha abłvykankama, pieradaje BiełTA.
Pa słovach ministra, u viedamstvie ciapier mianiajuć mietady acenki pracy pravaachoŭnikaŭ.
«Niadaŭna mnoju byŭ padpisany dakumient ab uviadzieńni balnaj sistemy acenki. Napeŭna, jana nie daskanałaja, my sprabujem jaje. Heta sproba stać bolš humannymi i blizkimi da ludziej, — skazaŭ Juryj Karajeŭ. — Pahladzim, jak usio pojdzie. Dumaju, balnaja sistema budzie na karyść usim».
Kiraŭnik viedamstva dadaŭ, što dla paśpiachovaha funkcyjanavańnia orhanaŭ unutranych spraŭ supracoŭniki milicyi pavinny być prykładam dla hramadzian, jakija nie parušać słužbovuju i asabistuju dyscyplinu.
«My pracujem dla ludziej, a nie na niejkuju statystyku. Treba nie haniacca za drobnymi ekanamičnymi złačynstvami, a vyjaŭlać bujnuju škodu. Hałoŭnaje, jak my abaranili hramadzian ci zatrymali złačyncaŭ. Asabliva ŭ rezanansnych spravach: razboi, ciažkija cialesnyja złačynstvy i zabojstvy. Ludzi čakajuć, što va ŭsim spraviadliva raźbiarucca i sprava nie zastaniecca nieraskrytaj», — adznačyŭ Juryj Karajeŭ.
Kamientary