Kolkaść infikavanych karanavirusam u Kitai pieravysiła 6 tysiač, pamierli 132 čałavieki
Kolkaść zaražanych pnieŭmanijaj, vyklikanaj karanavirusam 2019-nCoV, dasiahnuła 6 057 čałaviek. Jak havorycca ŭ apublikavanaj u sieradu ranicaj zajavie Dziaržaŭnaha kamiteta pa spravach achovy zdaroŭja KNR, kolkaść śmiarotnych zychodaŭ vyrasła da 132, piša tass.ru.
Stan 1 239 infikavanych aceńvajecca jak ciažki. Bolš za 9,2 tysiač čałaviek majuć simptomy zaražeńnia, adnak ich dyjahnaz pakul nie paćvierdžany. U karantynie znachodziacca jašče amal 60 tysiač čałaviek.
Bolš za pałovu kolkaści infikavanych (3,5 tysiač zaražanych i 125 śmierciaŭ) prypadaje na pravincyju Chubej, administracyjny centr jakoj — horad Uchań — źjaŭlajecca ačahom pašyreńnia epidemii. Dalej iduć pravincyi Huandun (207 infikavanych), Chenań (206), Čžeczian (173), Chunań (143) i horad centralnaha padparadkavańnia Čuncyn (132). Pieršy vypadak padazreńnia na zaražeńnie karanavirusam byŭ zafiksavany ŭ Tybiecie — apošnim sa svabodnych ad hetaha zachvorvańnia rehijonaŭ Kitaja.
Maštaby pašyreńnia novaha karanavirusa 2019-nCoV za miesiac pieraŭzyšli ŭspyšku atypovaj pnieŭmanii (SARS), jakaja adbyłasia ŭ 2002-2003 hadach.
Kolkaść zaražanych atypovaj pnieŭmanijaj z kanca 2002 hoda pa žnivień 2003 hoda skłała 5 327 čałaviek. 349 vypadkaŭ tady zaviaršylisia śmiarotnym zychodam.
Niahledziačy na toje, što karanavirus źjaŭlajecca mienš śmiarotnym i zaraznym zachvorvańniem, čym SARS, jaho epidemiju ciažej łakalizavać. U novaj pnieŭmanii, vyklikanaj karanavirusam 2019-nCoV, bolš praciahły inkubacyjny pieryjad — ad adnaho da 14 dzion, padčas jakoha infiekcyja ŭžo zdolnaja pieradavacca.
U toj ža čas u lohkaj formie pnieŭmanii novaha typu jaje simptomy nie vyklikajuć mocnaj bojazi ŭ pacyjenta i miedykaŭ i vielmi padobnyja da zvyčajnaj prastudy — heta nasmark, tempieratura, kašal. Adnak navat u lohkaj formie zachvorvańnie pieradajecca ad čałavieka da čałavieka.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary