Kolkaść achviaraŭ śvinoha hrypu vyrasła da 149. Usie pamierłyja – žychary Mieksiki. Vypadki zachvorvańnia na śviny hryp zafiksavanyja taksama ŭ Kanadzie, ZŠA, Ispanii, Šatłandyi.
Śviny hryp imkliva kročyć pa płaniecie. U Mieksicy kolkaść achviaraŭ novaj chvaroby vyrasła da 149. Užo 42 vypadki ŭ ZŠA. Novaja chvaroba dabrałasia i da Jeŭropy. U Nacyjanalnym aeraporcie "Minsk" pravodziacca zaścierahalnyja zachady.
Śledam za Ispanijaj, dzie byŭ vyjaŭleny śviny hryp, zarehistravany jon u Šatłandyi. Kažuć, jak minimum pra dva vypadki.
Ministry achovy zdaroŭja Jeŭrapiejskaha sajuza zaklikali pravieści terminovuju sustreču dla abmierkavańnia prablemy.
Tym časam kolkaść achviaraŭ śvinoha hrypu ŭ Mieksicy dasiahnuła 149 čałaviek. 1 650 čałaviek špitalizavanyja. U Złučanych Štatach zarehistravana ŭžo 40 vypadkaŭ, pryčym 28 ŭ Ńju-Jorku – heta školniki, jakija viarnulisia ź Mieksiki.
Zafiksavanyja niekalki vypadkaŭ u Kanadzie.
U Mieksicy ŭžo ŭviedziena nadzvyčajnaje stanovišča. Na vulicach biaspłatna razdajuć marlevyja paviazki. Situacyja krytyčnaja.
Zaniatki ŭ škołach admienienyja da 6 traŭnia.
***
Zachvarełyja, mahčyma, buduć vyjaŭlenyja ŭ Novaj Ziełandyi, Izraili, Brazilii i Aŭstralii. Usie, chto źviarnuŭsia pa miedycynskuju dapamohu, kažuć, što padarožničali pa Mieksicy i ciapier skardziacca na zdaroŭje
Ułady ZŠA i krain Jeŭrasajuza zaklikali ŭsich, chto maje namier ŭ najbližejšy čas padarožničać, trymacca maksimalnych zachadaŭ pieraściarohi, abo naohuł admovicca ad pajezdak.
U aeraportach uvodzicca tatalny kantrol.
Nie vyklučana, što Suśvietnaja arhanizacyja achovy zdaroŭja ŭ najbližejšy čas abvieścić pandemiju.
***
Virus (H1N1) raspaŭsiudžvajecca pavietrana-kropielnym šlacham, cieraz pramy ci apasprodkavany kantakt pamiž ludźmi.
Najaŭnaść virusu moža akazać upłyŭ i na ekanomiku.
Tak košt akcyj British Airways źniziŭsia na 8%; akcyi turystyčnaj kampanii Thomas Cook patańnieli na 7,9%.
***
Suśvietnaja arhanizacyja achovy zdaroŭja pakul nie ličyć patrebnym rekamiendavać abmiažavańni aktyŭnaści ci pieramiaščeńniaŭ. Toje staniecca tolki ŭ vypadku, kali kolkaść vypadkaŭ śvinoha hrypu pierakročyć niebiaśpiečnuju miažu. U toj ža čas Jeŭrakamisija zaklikała hramadzianaŭ ES ustrymacca ad pajezdak u Mieksiku i ZŠA.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha9
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100100
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary