12 kastryčnika prykładna ŭ 08:45 12-hadovaja školnica ŭ žanočaj raździavałcy adnoj z ustanoŭ adukacyi Pinska nažom paraniła dźviuch adnakłaśnic, paviedamili «BH» va USK pa Bresckaj vobłaści.
«Adnoj ź dziaŭčynak naniesieny cialesnyja paškodžańni, ź jakimi jana špitalizavanaja. Druhoj vučanicy akazali miedycynskuju dapamohu na miescy i ŭ špitalizacyi jana nie maje patreby», — rastłumačyŭ aficyjny pradstaŭnik USK pa Bresckaj vobłaści Dźmitryj Ivaniuk.
U administracyi ŭstanovy adukacyi kamientavać incydent karespandentu «BH» admovilisia: «Presie nie mahu dać nijakaj infarmacyi. Usie pytańni ŭ Śledčy kamitet».
Pavodle vydańnia «Pieršy Pinski», dziaŭčynka, jakaja napadała, mahła być achviaraj źniavahaŭ i kpinaŭ z boku adnakłaśnic. Dziaŭčynka davoli vialikaja, i adnakłaśnicy časta čaplalisia da jaje, i heta mahło stać pryčynaj incydentu.
«U kancy taho tydnia ŭ kłasie čarhovy raz prahučali ździeklivyja abrazy na adras šaścikłaśnicy, jaje da taho ž abśmiajali. Na što taja zajaviła: «Vy ŭ mianie ŭ čornym śpisie. Ja hetaha vam nie daruju», — kaža krynica vydańnia ŭ škole.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary