Vyjšaŭ z druku praciah knihi Siarhieja Šaprana, pryśviečanaj žyćciu narodnaha piśmieńnika.
Vyjšaŭ z druku praciah knihi Siarhieja Šaprana, pryśviečanaj žyćciu narodnaha piśmieńnika.
Vyjšła z druku 2-ja častka knihi Siarhieja Šaprana «Vasil Bykaŭ. Historyja žyćcia ŭ dakumientach, publikacyjach, listach». Hetaja kniha, vydadzienaja ŭ sieryi «Biblijateki Baćkaŭščyny» — «Ludzi Biełarusi», źjaŭlajecca łahičnym praciaham dakumientalnaha bijahrafičnaha letapisańnia narodnaha piśmieńnika Biełarusi, raspačataha Siarhiejem Šapranam u pieršaja častcy.
Kniha ŭklučaje u siabie materyjały za pieryjad 1970—2003 hh. žyćcia piśmieńnika. Asablivuju cikavaść ujaŭlajuć nieviadomyja archiŭnyja dakumienty, rukapisy i epistalarnaja spadčyna V. Bykava (u tym liku listavańnie z A. Adamovičam, V. Askockim, V. Astafjevym, R. Baradulinym, I. Dziadkovym, V. Kavierynym, Ł. Łazaravym, V. Niakrasavym, A. Tvardoŭskim dy inš.) z fondaŭ bolš jak dvaccaci dziaržaŭnych muziejaŭ i archivaŭ dy pryvatnych zboraŭ, a taksama artykuły ŭ pieryjadyčnym druku i ŭspaminy (u tym liku Č. Ajtmatava, S. Aleksijevič, H. Bakłanava, S. Bykava, V. Bykavaj, H. Buraŭkina, V. Tarasa, U. Niaklajeva). Zaviaršaje knihu prypavieść Uładzimira Niaklajeva «Čmiel i vandroŭnik», pryśviečanaja Vasilu Bykavu.
Pry padbory ilustracyjnych materyjałaŭ pieravaha addavałasia małaviadomym fotazdymkam V. Bykava, peŭnaja častka jakich drukujecca ŭpieršyniu.
Pa słovach Ryhora Baradulina, «možna śmieła nazvać podźviham pracu Siarhieja Šaprana ŭ spravie zboru materyjałaŭ, analizu tvorčaści Vasila Bykava. Heta kniha faktyčna — encykłapiedyja tvorčaści Vasila Bykava».
Vydańnie knihi adbyłosia dziakujučy dapamozie kiraŭnicy dabračynnaha fondu «Etničny hołas Amieryki» Ireny Kalady-Śmirnovaj (ZŠA), Kalehiuma Uschodniaj Jeŭropy imia Jana Novaka-Jazierańskaha, uradu horada Vrocłava (Polšča), a taksama dziakujučy dapamozie Arsiena Lisa, Hienadzia Plaško, Viački Cieleša.
***
Vasil Bykaŭ. Historyja žyćcia ŭ dakumientach, publikacyjach, uspaminach, listach / Siarhiej Šapran. — Minsk — Harodnia, 2009. — 774 s. [20] s.: ił. — (Biblijateka Baćkaŭščyny, Haradzienskaja Biblijateka. Ludzi Biełarusi: kn. 2).
-
Karcina Šahała «Prahułka» zastaniecca ŭ Biełarusi da kastryčnika: Turčyn damoviŭsia ź Mišuścinym ab praciahu vystavy
-
Na «Biełaruśfilmie» siarod biaskoncych filmaŭ pra vajnu narešcie zdymuć navahodniuju kamiedyju
-
Zamianiŭ 95% trupy, ale nie zavajavaŭ publiku. Što robić ź biełaruskim baletam eks-premjer rasijskaj Maryinki
Kamientary