Prakuror paprasiŭ Maskoŭski haradski sud prysudzić da roznych terminaŭ źniavoleńnia — ad 7 da 16 hadoŭ — byłych palicejskich, jakija abvinavačvajucca ŭ fabrykacyi ŭ červieni 2019 hoda kryminalnaj spravy suprać maskoŭskaha karespandenta «Mieduzy» Ivana Hałunova, paviedamlaje meduza.io.
Pra heta paviedamiŭ advakat Alaksiej Hubkin, jaki pradstaŭlaje intaresy Dzianisa Kanavałava, adnaho z abvinavačanych.
Dziaržabvinavaŭca paprasiŭ prysudzić da 16 hadoŭ kałonii Ihara Lachaŭca, klučavoha fihuranta spravy ab niezakonnym zatrymańni Hałunova. Prakuror zapatrabavaŭ pa 12 hadoŭ kałonii dla jaho byłych padnačalenych Ramana Fieafanava, Maksima Umietbajeva i Akbara Sierhalijeva, i siem hadoŭ — dla Dzianisa Kanavałava, jaki pryznaŭ vinu.
Akramia taho, prakuror paprasiŭ sud zadavolić hramadzianski pazoŭ paciarpiełaha na piać miljonaŭ rubloŭ (kala 140 tysiač biełaruskich), a taksama pazbavić padsudnych prava pracavać na dziaržaŭnaj słužbie.
Sprava žurnalista Ivana Hałunova ŭ červieni 2019 hoda mieła vialiki rezanans i dziakujučy salidarnaści žurnalistaŭ i hramadstva žurnalist byŭ vyzvaleny.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu8989
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu89
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary