Sajuz biełaruskich piśmieńnikaŭ prajhraŭ pazoŭ da Miniusta ŭ Viarchoŭnym sudzie, arhanizacyi taksama pahražaje likvidacyja
Viarchoŭny sud pakinuŭ u sile piśmovaje papiaredžańnie, vyniesienaje Miniustam na adras Sajuza biełaruskich piśmieńnikaŭ.
Vyniasieńnie papiaredžańnia było matyvavana tym, što Sajuz nie padaŭ svoječasova zapatrabavanych dakumientaŭ. Toj fakt, što list z hetym patrabavańniem pryjšoŭ u ofis u dzień zdačy papier, a na nastupny dzień ofis SBP byŭ apiačatany Śledčym kamitetam, nie byŭ pryniaty da ŭvahi Viarchoŭnym sudom, paviedamlaje «Radyjo Svaboda».
23 i 24 vieraśnia ŭ Viarchoŭnym sudzie Biełarusi adbylisia słuchańni pa pazovie SBP da Ministerstva justycyi pa abskardžańni piśmovaha papiaredžańnia.
Papiaredžańnie vynieśli 14 lipienia 2021 hoda za toje, što arhanizacyja nie pradstaviła dakumienty. Pryčym patrabavańnie ŭ arhanizacyi atrymali 13 lipienia, i ŭ termin da 13 lipienia treba było pradstavić pakiet dakumientaŭ pa dziasiatkach punktaŭ dziejnaści arhanizacyi.
Paśla vyśviatleńnia sutnaści spravy, abmierkavańnia jaje materyjałaŭ i dyskusii bakoŭ 24 vieraśnia Viarchoŭny Sud adchiliŭ pazoŭ SBP i pakinuŭ papiaredžańnie ŭ sile. Ciapier arhanizacyi pahražaje likvidacyja.
Kamientary