14 žniŭnia ŭ Minsku prajšło pasiadžeńnie kruhłaha stała «Suśvietny ekanamičny kryzis i Biełaruś». Na im vystupiŭ prafiesar Jielskaha univiersiteta (ZŠA) Aleh Cyvinski.
14 žniŭnia ŭ Minsku prajšło pasiadžeńnie kruhłaha stała «Suśvietny ekanamičny kryzis i Biełaruś». Na im vystupiŭ prafiesar Jielskaha univiersiteta (ZŠA) Aleh Cyvinski.
Jon padzialiŭsia svaim prahnozam adnosna praciahłaści suśvietnaha finansava‑ekanamičnaha kryzisu.
«Adšturchoŭvajučysia ad daśledavańniaŭ Rohava i Rejnchart (amierykanskija ekanamisty, jakija dakazvajuć, što niezaležna ad roźnicy ŭ detalach usie bankaŭskija kryzisy adbyvajucca pavodle prykładna adnolkavaha scenaryja. — BiełaPAN.) i pryniaŭšy za pačatak kryzisu siaredzinu 2007 hoda ŭ ZŠA, možna čakać, što «dno» aktyŭnaj fazy kryzisu budzie dasiahnuta da kanca 2009 hoda», — ličyć prafiesar.
«Ci sapraŭdy kryzis zavieršycca da kanca 2009 hoda ci nie — ale heta, badaj što, samy lepšy prahnoz ekanamistaŭ, — zajaviŭ Cyvinski.
— Kali ŭ Biełarusi pačatkam kryzisu možna ličyć 2008 hod, to, madelujučy taki ž najpraściejšy prahnoz, možna pradbačyć, što «dno» budzie dasiahnuta ŭ 2010 hodzie.
Z adnaho boku, heta niebłahija naviny — mahčyma, kryzis zavieršycca, ź inšaha — heta nie aznačaje, što ŭsio budzie dobra i my vierniemsia ŭ tyja tłustyja hady, kali ekanomika Biełarusi, jak i ŭsia suśvietnaja ekanomika, rasła vysokimi tempami». U pryvatnaści, maje miesca značnaje zapavoleńnie tempaŭ rostu suśvietnaj ekanomiki ŭ cełym, adznačyŭ prafiesar, i heta abaviazkova adabjecca na Biełarusi.
Akramia taho, jon źviarnuŭ uvahu na «biesprecedentny» rost padčas kryzisu «ŭmiašańnia dziaržavy ŭ funkcyjanavańnie ŭsich viadučych ekanomik śvietu, dziaržpadtrymku nieefiektyŭnych halin, jak heta adbyvajecca ŭ aŭtapramie ZŠA».
Pavodle mierkavańnia Cyvinskaha, u vyniku kryzisu ŭ śviecie značna pavialičycca «kankurencyja za zamiežnyja inviestycyi».
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?49
Kamientary