Barysaŭski zmoh prarvacca ŭ hrupavy etap Lihi Jeŭropy. «Liteks» (Bałharyja) — BATE — 0:4.
Pieršy matč płej‑of Lihi Jeŭropy pakidaŭ biełarusam nievialikija šancy prajści bałharski «Liteks». Pra heta ž kazali i bukmiekiery.
Zrešty, trenier barysaŭcaŭ Viktar Hančarenka krajnie prosta patłumačyŭ hulniavuju ŭstanoŭku — pieramahčy ź lubym likam.
Zdajecca, bałhary śviadoma addali haściam kantrol nad miačom, prapanavali syhrać pieršym numaram. Sami ž spadziavalisia na kontrataki, asabliva ŭ źviazku z vychadam na pole traŭmavanaha brazilca Toma.
Hančarenka ž pajšoŭ va‑bank,
vypuściŭšy na pole adrazu troch (!) naminalnych forvardaŭ (Skavyš, Radzivonaŭ i Ałumona). Zatoje ŭ zapasie zastalisia žaleznyja hulcy asnovy Kryviec i Niachajčyk.
Napeŭna, hety matč moža stać rekordnym dla BATE pa kolkaści parušeńniaŭ pravił. Niamiecki arbitr Hriofie śviścieŭ pa pryčynie i bieź jaje. Pryčym, u abodva baki. Heta rabiła hulniu niejkaj rvanaj.
U pieršym tajmie pierśpiektyŭnyja momanty adkryć lik mieli Skavyš i Ałumona, ale skarystacca imi nie zmahli. Tym nie mienš, samy niebiaśpiečny momant naradziŭsia ŭsio ž la varot BATE. Adnak z udaram Sandryńjo spraviŭsia 20‑hadovy Alaksandr Hutar, jaki padmianiŭ u bramie Siarhieja Vieramko.
Druhi tajm prachodziŭ jašče bolš u niaśpiešnaj hulni. Znoŭku niekalki razoŭ majsterstvam blisnuŭ Hutar.A ŭvohule ž składvałasia ŭražańnie, što barysaŭcy banalna sastupajuć supiernikam u fizičnaj sile. Nie biehli biełarusy. Chiba što Ahnes Haaran niejak raskačaharvaŭ ataku.
Ale samaje cikavaje ŭ matčy adbyłosia za piać chvilin da finalnaha śvistka. Ihar Šytaŭ zdaloku hachnuŭ pa varotach. Udar atrymaŭsia mudrony, tamu sierbski bramnik haspadaroŭ Hałubavič zmoh tolki pieravieści miač na vuhłavy. Išła 86‑aja chvilina. U pieršaj hulni mienavita ŭ hety čas pamyliŭsia Siarhiej Sasnoŭski. Taja pamyłka kaštavała BATE pieramohi.
Na hety ž raz Sasnoŭski reabilitavaŭsia — i jašče jak! Jon vyšej usich uźlacieŭ u štrafnoj i hałavoj narešcie razmačyŭ «Liteks» — 1:0.
Viktar Hančarenka tak emacyjna pieražyvaŭ hety pośpiech, što arbitr byŭ vymušany vydalić jaho na trybuny. Bałhary kinulisia adyhryvacca, ale ŭ asnoŭny čas zrabić heta im nie ŭdałosia.
Cikavaja akaličnaść — biełaruskija kłuby ŭ jeŭrakubkach jašče ni razu nie prajhravali ŭ dadatkovy čas ci pa sieryi pienalci. Prykmieta spracavała i na hety raz.
«Liteks» prosta staŭ. Napadajučym BATE nie skłała vialikich namahańniaŭ razarvać paranienaha supiernika. Spačatku hoł arhanizavała para Skavyš — Radzivonaŭ. Potym dubl aformiŭ usio toj ža Siarhiej Sasnoŭski — sapraŭdy hieroj hulni razam z Hutaram.
Nu i formienny razhrom «Liteks» zafiksavaŭ Maksim Skavyš — 4:0. BATE ŭ Lizie Jeŭropy.
Bałharskija fany adznačylisia dosyć chamskimi pavodzinami. Paśla druhoha hołu na pole palacieli roznyja pradmiety. Da finalnaha śvistka stadyjon amal apuścieŭ.
Druhi hod zapar BATE vystupaje ŭ jakaści mahilščykaŭ bałharskich kłubaŭ. Letaś byŭ «Leŭski», ciapier — «Liteks».
Siońnia, u piatnicu, a 13:45 u šviejcarskim Ńjonie adbudziecca losavańnie hrupavoha turniru Lihi Jeŭropy.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha9
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100100
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary