Premjer-ministr Italii Marya Drahi, prezident Francyi Emanuel Makron i kancler Hiermanii Ołaf Šolc siońnia naviedajuć Kijeŭ, paviedamlaje Reppublica, publikujučy fota lidaraŭ troch krain.
Fatahrafiju taksama publikuje La Repubblica, nazyvajučy zdymak histaryčnym.
Palityki mierkavana prybyli ŭ Kijeŭ z Varšavy ŭkrainskim dypłamatyčnym ciahnikom. Pra toje, što Drahi, Makron i Šolc płanujuć ździejśnić vizit u Kijeŭ, sa spasyłkaj na krynicy va ŭkrainskich i francuzskich uradavych kołach paviedamiła raniej niamieckaja hazieta Bild am Sonntag.
Nijakaj aficyjnaj infarmacyi ab hetaj pajezdcy pa mierkavańniach biaśpieki nie raspaŭsiudžvałasia.
Makron u apošnija dni naviedaŭ dvuch susiedziaŭ Ukrainy — Rumyniju i Małdovu. Vystupajučy ŭ sieradu ŭ Rumynii paśla sustrečy z dysłakavanymi tam francuzskimi vojskami, Makron skazaŭ, što Jeŭrapiejski sajuz pavinien pasłać vyraznyja palityčnyja sihnały Ukrainie i ŭkrainskamu narodu, jaki hieraična supraciŭlajecca ŭžo niekalki miesiacaŭ.
Try jeŭrapiejskija lidary pavinny sustrecca z prezidentam Ukrainy Uładzimiram Zialenskim. Heta pieršy vizit lidaraŭ hetych krain paśla lutaŭskaha ŭvarvańnia Rasii va Ukrainu.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary