Razhladajucca dva varyjanty praviadzieńnia futbolnaha čempijanatu Biełarusi ŭ nastupnym hodzie.
Asacyjacyja «Biełaruskaja fiederacyja futbołu» nakiravała ŭ kłuby vyšejšaj lihi prajekty praviadzieńnia čempijanatu krainy 2010 hoda.
Novy futbolny siezon miarkujecca pačać 7 ci 8 sakavika matčam za Supierkubak krainy, u jakim sustrenucca čempijon Biełarusi — barysaŭski BATE i ŭładalnik Kubku Biełarusi 2009 hoda navapołacki «Naftan». Da kanca sakavika projduć čverćfinalnyja i paŭfinalnyja matčy rozyhryšu Kubku Biełarusi 2009‑2010 hadoŭ.
Pačatak 20‑ha pa liku nacyjanalnaha pieršynstva zapłanavana na 3‑4 krasavika. U im voźmuć udzieł 12 kłubaŭ zamiest siońniašnich 14, tamu razhladajecca dva varyjanty praviadzieńnia čempijanatu.
Zhodna ź pieršym, spabornictvy pravodziacca pravodziacca ŭ try koły.
Napačatku kamandy pravodziać kłasičny dvuchkołavy turnir — hulni doma i ŭ haściach. Zatym składajecca turnir 3‑ha koła.
Kłuby zhulajuć pamiž saboj jašče pa razu, pryčym kamandy, što zojmuć pa vynikach 2‑ha koła miescy z 1‑ha pa 6‑ie, praviaduć na adzin chatni matč bolš, čym astatnija. U hetym vypadku ŭsie ŭdzielniki vyšejšaj lihi zhulajuć u čempijanacie 33 hulni.
Druhi varyjant praduhledžvaje turnir u dva etapy.Na pieršym, papiarednim, kamandy zhulajuć pamiž saboj u dva kruhi — doma i ŭ haściach. Zatym kłuby, što zojmuć pieršyja šeść miescaŭ, z ulikam usich nabranych punktaŭ pravodziać pamiž saboj jašče adzin dvuchkruhavy finalny turnir. Taki ž aŭtanomny turnir i taksama z usimi nabranymi bałami praviadzie i druhaja šaściorka kamandaŭ.
Pry takim varyjancie ŭdzielniki nacyjanalnaha pieršynstva praviaduć pa 32 hulni.
Niezaležna ad taho, jaki varyjant budzie abrany, pa vynikach čempijanatu Biełarusi vyšejšuju lihu pakinie adna kamanda, jakuju zamienić najlepšy kalektyŭ 1‑j lihi.
Płanujecca, što kančatkovaje rašeńnie budzie pryniata na naradzie trenieraŭ kamand u listapadzie, paviedamlaje BIEŁTA.
***
Pavodle pieršaha varyjantu — 12 kamandaŭ u try koły (33 hulni) — pravodziacca čempijanaty Danii, Charvatyi, Ałbanii.
Čempijanat Šatłandyi — dzie taksama hulajuć 12 kamand — taksama pravodzicca ŭ try koły (33 hulni), potym kamandy raźbivajucca na šaściorki, jakija hulajuć u adno koła.
Takim čynam kamandy tam pravodziać 38 hulniaŭ.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu4848
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu48
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3636
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było36
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary