Pastar pratestanckaj carkvy «Novaje žyćcio»: Nichto nie zastaniecca niepakaranym za znos chrama
Viačasłaŭ Hančarenka nazvaŭ «aburalnym biezzakońniem» znos uładami budynka na vulicy Kavalova, 72 u Minsku, dzie prachodziła bohasłužeńnie.
«Niejki čas tamu jaho ŭ nas adabrali, potym spustošyli, a ciapier jon razburany, jon razburajecca prama ciapier, na našych vačach. Vy bačycie. Tam traktar jeździć. Usio, što było našym chramam, ciapier razvaliny», — pieradaje słovy Viačasłava Hančarenki «Pozirk».
Pastar źviarnuŭsia da «ŭsich tych ludziej, što byli ŭdzielnikami ŭsiaho hetaha dziejstva, pryniali rašeńnie i siońnia heta razburajuć, rujnujuć»:
«Hora vam. I pabojciesia Boha, bo jaho sud adbudziecca nieŭzabavie. Nichto nie zastaniecca niepakaranym, chto dakranuŭsia da śviatoha».
«Usim, chto z nami siońnia», Hančarenka pažadaŭ «ciarpieńnia, viery, lubovi».
«Budziem praciahvać svoj šlach, budziem iści dalej, budziem vieryć, praciahvać imknucca da taho, što Boh vyznačyŭ dla nas. I ja vieru, što adčyniacca novyja dźviery», — adznačyŭ jon.
Učora ŭłady pačali znos carkvy.
Pavodle źmien, što byli ŭniesienyja ŭ prajekt detalovaha płanavańnia Sucharava, uchvalenaha ŭ 2019 hodzie, na miescy carkvy pavinna vyraści škoła.
Cisk na viernikaŭ, jakija, na dumku haradskich uładaŭ, pavinny terminova i nazaŭždy pakinuć budynak, uzmacniŭsia ŭ pačatku 2021 hoda.
Varta adznačyć, što ŭ 2020-m pastar «Novaha žyćcia» rezka asudziŭ biezzakońnie i źvierstvy.
17 lutaha 2021 hoda sudovyja vykanaŭcy ŭvajšli ŭ carkvu ŭ supravadžeńni milicyi, apisali majomaść. U budynku ŭ toj čas išła malitva. Prychadžanie, kab paźbiehnuć aryštaŭ, vymušanyja byli pakinuć carkvu.
Vierniki doŭhi čas malilisia pobač z carkvoj.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu8383
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu83
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary