Pucin nazvaŭ pamyłkaj savieckaje ŭvarvańnie ŭ Vienhryju i Čechasłavakiju
«Nielha ničoha rabić, što idzie ŭ vidavočnuju supiarečnaść ź intaresami inšych narodaŭ», — skazaŭ jon.
Zachad, i pierš za ŭsio ZŠA, nastupaje na tyja ž hrabli, što i Saviecki Sajuz u zamiežnaj palitycy, nielha rabić ničoha, što idzie ŭ vidavočnuju supiarečnaść ź intaresami inšych narodaŭ. Pra heta zajaviŭ prezident Rasii na plenarnaj siesii Uschodniaha ekanamičnaha forumu, piša TASS.
«My ŭžo daŭno pryznali, što hetaja častka palityki Savieckaha Sajuza była pamyłkovaj i viała tolki da napruhi adnosin», — skazaŭ kiraŭnik rasijskaj dziaržavy, adkazvajučy na słovy maderatara, jaki pryvioŭ vykazvańni ŭładaŭ Čechii i Vienhryi ab tym, što «SSSR pavodziŭ siabie jak kałanizatar, kali ŭvodziŭ tanki ŭ Prahu ŭ 1968 hodzie abo Budapiešt u 1956-m».
«Nielha ničoha rabić u śfiery źniešniaj palityki, što idzie ŭ vidavočnuju supiarečnaść ź intaresami inšych narodaŭ. Ale mienavita na hetyja hrabli, kali ŭžo kazać pra hrabli, nastupajuć viadučyja krainy Zachadu i pierš za ŭsio Złučanyja Štaty», — skazaŭ Pucin.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej20
Kamientary