Karpienka — vajskoŭcam: My pavinny pastavić zasłon źniešniamu ŭmiašańniu ŭ pieryjad elektaralnych kampanij
Staršynia CVK Ihar Karpienka sustreŭsia siońnia z aktyvam Minabarony, dzie raspavioŭ pra budučyja elektaralnyja kampanii. 25 lutaha ŭ Biełarusi pavinien upieršyniu prajści Adziny dzień hałasavańnia: adbuducca parłamienckija vybary i vybary ŭ miascovyja saviety deputataŭ.
Jon skazaŭ, što 25 lutaha 2024 hoda pry praviadzieńni Adzinaha dnia hałasavańnia vybary nie skončacca. Na praciahu 60 dzion buduć abranyja členy Savieta Respubliki i delehaty «Usiebiełaruskaha narodnaha schodu.
Važnym pytańniem Ihar Karpienka nazvaŭ padtrymańnie elektaralnaha suvierenitetu i biaśpieki padčas praviadzieńnia vybarčaj kampanii.
«Vybary my pravodzim dla svajoj krainy, i, viadoma, my pavinny pastavić peŭnuju zasłonu i źniešniamu ŭmiašańniu, i mahčymym sprobam destabilizacyi pracy kamisij, učastkaŭ dla hałasavańnia ŭ pieryjad hałasavańnia i naohuł stvareńnia niejkaj napružanaj abstanoŭki ŭ pieryjad vybarčaj kampanii. Hramadzianie pavinny ŭ svabodnaj formie vykazać svajo volevyjaŭleńnie i vybrać taho kandydata, jakoha ličać patrebnym», — skazaŭ Karpienka.
Pytańni elektaralnaha suvierenitetu i elektaralnaj biaśpieki važnyja jašče z punktu hledžańnia abmierkavańnia kancepcyi nacyjanalnaj biaśpieki, adznačyŭ kiraŭnik CVK.
«Kancepcyja nacyjanalnaj biaśpieki rychtujecca. Pra heta taksama siońnia išła razmova, i mierkavańnie prafiesijanałaŭ, tych, chto maje pramoje dačynieńnie da farmiravańnia kancepcyi i harantavańnie nacyjanalnaj biaśpieki, viadoma, vielmi važna. Heta ŭzajemadziejańnie i razumieńnie, ci ŭsio my ŭličyli, jakija zakanadaŭčyja navacyi, mahčyma, buduć vykarystoŭvacca na praktycy, a jakija jašče treba dadać u toj ci inšaj formie, kab zabiaśpiečyć svabodnaje i biaśpiečnaje praviadzieńnie vybaraŭ», — dapoŭniŭ jon.
Nahadajem, što masavyja mirnyja pratesty paśla falsifikacyi vynikaŭ prezidenckich vybaraŭ u žniŭni 2020 hoda byli žorstka zadušanyja, a represii suprać niazhodnych praciahvajucca i pa siońnia.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha19
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu115115
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu115
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary
Udakładnicie, kali łaska, dla jakoj «svajoj krainy», źbirajecca pravodzić vybary rasiejec Ihar Karpienka z Navakuźniecka Kiemieraŭskaj vobłaści RF, kamunist z rasiejskaj partyi SKP-KPSS (pad kiraŭnictvam H. Ziuhanava)?