Adkryty pryjom zajavak na udzieł u prahramie padtrymki represavanych navukoŭcaŭ
Pačaty pryjom zajavak na udzieł u prahramie SCIENCE AT RISK Emergency Office, nakiravanaj na padtrymku navukoŭcaŭ, jakija paciarpieli ad represij u Biełarusi.
U 2024 hodzie SCIENCE AT RISK Emergency Office prapanuje čatyry farmaty padtrymki:
— finansavaja padtrymka praviadzieńnia publičnych mierapryjemstvaŭ (kruhłyja stały, lekcyi, sieminary i prezientacyi daśledavańniaŭ i h.d.). Zbor zajavak na imprezy praciahvajecca da 9 červienia;
— chutkaja adnarazovaja padtrymka dla tych navukoŭcaŭ, što zastajucca ŭ Biełarusi i nie majuć mahčymaści pracavać pa prafiesii, vymušana źjechali ŭ apošnija paŭhady ci sutyknulisia z kryzisnaj situacyjaj u emihracyi;
— padtrymka ŭdziełu ŭ mižnarodnych navukovych kanfierencyjach afłajn (jakija patrabujuć pajezdki ŭ inšy horad/krainu) i anłajn. Zajaŭki prymajucca da 15 vieraśnia 2024 hoda;
— moŭnyja kursy (intensiŭny anłajn-kurs anhlijskaj movy, nakiravany na raźvićcio navykaŭ paŭsiadzionnaj kamunikacyi i navykaŭ, patrebnych dla pracy ŭ akademičnym asiarodździ). Zajaŭki na kursy prymajucca da 10 červienia ci da naboru hrup.
Udzieł u lubym farmacie mahčymy pry ŭmovie prachodžańnia vieryfikacyi. Atrymać finansavuju padtrymku možna tolki adzin raz u hod.
Chto moža źviarnucca pa padtrymku?
Biełaruskija navukoŭcy, jakija na momant represij zajmalisia vykładčyckaj ci daśledčaj dziejnaściu ŭ dziaržaŭnych ci pryvatnych ŭniviersitetach ci daśledčych centrach; histaryčnych archivach i muziejach (na pasadzie navukovaha supracoŭnika), NDA i analityčnych centrach;
Padrabiaznaja infarmacyja i formy zajaŭki na sajcie.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej20
Kamientary