Koptar atakavaŭ žyły dom u Kurskaj vobłaści — zahinuli piać čałaviek
U tym liku dvoje dziaciej, paviedamlajuć ułady rehijona.
U noč na 29 červienia «koptar» atakavaŭ žyły dom u Kurskaj vobłaści — zahinuli piać čałaviek, jašče dvoje špitalizavanyja ŭ ciažkim stanie. Pra heta paviedamiŭ v.a.hubiernatara rehijonu Alaksiej Śmirnoŭ.
Siarod zahinułych — dvoje dziaciej. Śmirnoŭ udakładniŭ, što ŭdar pryjšoŭsia pa domie ŭ vioscy Haradzišča. Zahinułyja i paciarpiełyja — členy adnoj siamji.
Minabarony Rasii pra źniščeńnie bieśpiłotnikaŭ nad Kurskaj vobłaściu nie paviedamlała. Viedamstva piša, što ŭnačy źbili pa dva drony nad Ćviarskoj vobłaściu i nad anieksavanym Krymam, pa adnym — nad Biełharadskaj i Branskaj abłaściami, piša Rasijskaja słužba Radyjo Svaboda.
Paśla pačatku poŭnamaštabnaha ŭvarvańnia Rasii va Ukrainu rasijskija rehijony rehularna padviarhajucca abstrełam i napadam bieśpiłotnikaŭ. Minabarony Rasii daje spravazdaču ab «spynieńni» napadaŭ i paviedamlaje ab źbitych rakietach i dronach nad terytoryjaj Rasii. Jość razbureńni i achviary.
U bolšaści vypadkaŭ Kijeŭ hetyja paviedamleńni nie kamientuje.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
🧹 Užo nia idzie na mylicach, a imčyć jak samy heny vienik zabrudžvańnie biełmovy niaŭciamnymi j časta naŭprost dzikimi «słaviasami». I vyciahnutymi nam błochierami j «žurnalistami» mienavita — padkreślu — z rasiejščyny.
🚂 Koptar — heta što voś? Pa lohicy, toje što kapcić nieba, hetki štučny cmok, prylacieŭšy ŭ movu z para- albo dyzelpanku. Tady, musić, lepiej nazvać jaho pa-nasku — veńdzik?
🚁 Dy nie! Koptar, kali nie šrubalot, to vid drona, kali zaŭhodna, latajučaha, vybačajcie, dryna. «Aparat bieśpilotnaha typu, jaki budujecca, jak śled, na asobnych ruchavičkoch, što kirujuć chutka kruciačymisia prapielerami. Zapavolvańnie ci paskareńnie peŭnych matorčykaŭ nachilaje korpus u pavietry j dazvalaje koptaru lotać.»
🛩️ Takoje vyznačeńnie daje nam sieciva, a na zdymku što? Avijamadelka, jakuju ŭ malstvie masava karmili jašče pijanery stalinskaj i chruščoŭskaje epochi j jakaja cudoŭna lotaje pa našym časie. Dyk pryčym tutaka veńdzik?!