«Časam vy bačycie ŭ niebie niejkija abjekty». Prapahanda sprabuje apraŭdacca, čamu ničoha nie piša pra «šachiedy»
U Homieli ŭ ramkach «Marafona adzinstva» pierad haradžanami vystupali ŭ tym liku prapahandysty. Supracoŭnik puła Ihar Tur zavioŭ razmovu pra bieśpiłotniki, jakija apošnim časam zalatajuć u Biełaruś.
«Časam vy bačycie ŭ niebie niejkija abjekty. A potym adkryvajecie dziaržSMI i ničoha pra hetuju temu nie bačycie», — cytuje Tura Tochka.by.
Dalej prapahandyst paŭtaryŭ tezisy Łukašenki: što jość damoŭlenaść publična nie paviedamlać, što mienavita ź bieśpiłotnikaŭ zalataje i ź jakoha boku miažy.
«Vielmi šmat pracesaŭ prachodzić ŭtojena i zakryta — dla taho, kab nam było lepš», — supakoŭvaŭ ludziej supracoŭnik puła.
Nahadajem, hetaj nočču ŭ Biełaruś zalatali try «šachiedy». Adzin byŭ źbity nad Jelskim rajonam, paviedamlaŭ «Biełaruski Hajun». U pačatku kastryčnika rasijski dron uzarvaŭsia ŭ Kalinkavičach. Žančynu, z doma jakoj heta padzieńnie było źniata na videa, zatrymali.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej20
Kamientary