Hruzinskaja palicyja razahnała akcyju pratestu apazicyi i źniesła namiotavy haradok
Hruzinskaja palicyja ranicaj u aŭtorak razahnała akcyju apazicyi, jakaja pratestavała suprać, jak jany ličać, falsifikacyi vynikaŭ parłamienckich vybaraŭ, i likvidavała namiotavy haradok pratestoŭcaŭ u centry Tbilisi, piša Bi-bi-si.
Namiotavy haradok źjaviŭsia kala Tbiliskaha dziaržaŭnaha ŭniviersiteta, na pačatku praśpiekta Čaŭčavadzie ŭ centry stalicy Hruzii ŭ niadzielu paśla abviaščeńnia aficyjnych vynikaŭ vybaraŭ.
Jak paviedamlaje hruzinskaja presa, palicyja pryviezła vadamioty i pradjaviła pratestoŭcam ultymatum: razabrać haradok na praciahu 15 chvilin. Paśla hetaha terminu haradok byŭ chutka źniesieny palicyjaj.
Papiarednie Ministerstva ŭnutranych spraŭ Hruzii vypuściła zajavu, u jakoj apraŭdvaje razhrom akcyi pratestu tym, što jaje ŭdzielniki pierakryli praśpiekt Čaŭčavadzie, tym samym parušyŭšy prava hramadzian na svabodny prajezd.
Zhodna z aficyjnymi vynikami vybaraŭ 26 kastryčnika, bolšaść miescaŭ u parłamiencie atrymała praviačaja partyja «Hruzinskaja mara», jakuju apazicyja abvinavačvaje ŭ prarasijskaj i antydemakratyčnaj palitycy. Apazicyja nie pryznaje vyniki vybaraŭ, śćviardžajučy, što ŭłady ich padtasavali.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?52
Kamientary