Premjer Słavakii paśla pajezdki da Pucina pajechaŭ adpačyvać u šykoŭny vjetnamski hatel
Premjer-ministr Słavakii Robiert Fica adrazu paśla sustrečy z Uładzimiram Pucinym u Maskvie ŭ kancy śniežnia apynuŭsia ŭ Vjetnamie, vyśvietlili žurnalisty słavackaha vydańnia Dennikn. Palityk spyniŭsia ŭ numary, noč u jakim kaštuje 6203 jeŭra. Nieviadoma, kolki načej jon pravioŭ tam, ale jaho miesiačnaha zarobku nie chapiła b i na dźvie nočy ŭ hetym numary.
Aficyjnaj infarmacyi pra miescaznachodžańnie Ficy nie drukavałasia z momantu jaho vizitu ŭ Maskvu 22 śniežnia. Paśla hetaha jon tolki publikavaŭ u sacsietkach videaroliki, pa jakich nie było zrazumieła, dzie jon znachodzicca.
U apošnim takim roliku Fica krytykavaŭ prezidenta Ukrainy Uładzimira Zialenskaha i nazyvaŭ prypynieńnie tranzitu rasijskaha hazu «sabatažam» ź jahonaha boku.
Akurat pa hetym roliku žurnalisty i zmahli vyznačyć, dzie znachodzicca premjer. Jon byŭ zapisany ŭ samym raskošnym luksie piacizorkavaha hatela Capella Hanoi-Grand Opera Madam Butterfly, piša Dennikn.
Numar, u jakim žyvie Robiert Fica, maje płošču 194 kvadratnych mietra z pazałočanaj vannaj, marmurovym džakuzi, stałom na dziesiać haściej i pryvatnaj terasaj. Noč u takim numary razam z padatkami i zborami kaštuje 6203 jeŭra.
Aficyjny zarobak Fica paśla taho, jak u lutym 2024 hoda jon pavialičyŭ jaho amal u dva razy, składaje 11,2 tysiačy jeŭra ŭ miesiac.
Žurnalisty Dennikn patelefanavali ŭ Capella Hanoi i paprasili źviazać ich z Robiertam Ficam, jaki pavinien byŭ spynicca ŭ hateli. Supracoŭnik hatela adrazu ž pieravioŭ zvanok u numar, ale trubku tam nie ŭziali. U hateli skazali, što hościa, vierahodna, nie było ŭ numary i prapanavali pieratelefanavać paźniej.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary