U Polščy biełarusa sudziać za pieravozku mihrantaŭ, što była 25 hadoŭ tamu
U sudzie Biełastoka razhladajuć apielacyju pa spravie hramadzianina Biełarusi, asudžanaha za pieravozku mihrantaŭ. U lipieni 2024 hoda sud pieršaj instancyi pryznaŭ jaho vinavatym u arhanizacyi złačynnaj hrupy, jakaja dapamahała nielehalna pierasiakać polska-biełaruskuju miažu.
Sprava niezvyčajnaja tym, što ŭsie hetyja padziei adbylisia ŭ 2000-2007 hadach, zadoŭha da pačatku mihracyjnaha kryzisu, piša Most sa spasyłkaj na Kurier Poranny.
Jak ustanaviŭ Akruhovy sud Biełastoka, mužčyna sumiesna ź inšymi supracoŭnikami Pahrankamiteta Biełarusi dastaŭlaŭ da biełaruska-polskaj miažy hramadzian krain Azii, pieravažna Vjetnama i Kitaja. Tam ich sustrakali polskija ŭdzielniki złačynnaj hrupy i pieravozili ŭ krainy Zachodniaj Jeŭropy. Pavodle źviestak śledčych, takim čynam hrupa mahła dapamahčy nielehalna pierasiekčy miažu niekalkim sotniam mihrantaŭ.
Sud pieršaj instancyi prysudziŭ biełarusa da šaści z pałovaj hadoŭ pazbaŭleńnia voli i štrafu 72 tysiač złotych (17 280 jeŭra). Ale jon svaju vinu nie pryznaje.
— Ja nikoli nie ŭdzielničaŭ i nie naležaŭ da złačynnaj hrupy, jakaja zajmałasia niezakonnaj pieravozkaj ludziej praz polska-biełaruskuju miažu, — skazaŭ jon.
Advakaty abvinavačanaha padali apielacyju, damahajučysia jaho apraŭdańnia. Jany miarkujuć, što niama nijakich dokazaŭ taho, što ich klijent uznačalvaŭ złačynnuju hrupu. Adzin z advakataŭ, Rafał Juraviec, zajaviŭ, što abvinavačany «apynuŭsia nie ŭ toj čas, nie ŭ tym miescy i siarod nie tych ludziej. Jon byŭ tolki kiroŭcam i nie viedaŭ pra ŭsio, što adbyvajecca».
Apielacyju padała i prakuratura. Jana damahajecca bolš surovaha pakarańnia. Apielacyjny sud Biełastoka vyniesie prysud 6 sakavika.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha11
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu101101
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu101
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary