U zakinutych budynkach aŭtazavoda raźmieściać samy sučasny ŭ Biełarusi archiŭ
Adzin ź niedabudavanych vytvorčych karpusoŭ Minskaha aŭtamabilnaha zavoda na vulicy Mašynabudaŭnikoŭ pieraprafilujuć dla raźmiaščeńnia Minskaha haradskoha archiva i jašče niekalkich dziaržaŭnych archiŭnych ustanoŭ. Pra heta na naradzie ŭ Minharvykankamie 24 sakavika raskazaŭ dyrektar KUP «Minskaja spadčyna» Alaksandr Kochan, pišuć «Minsk-Naviny».
Niekalki budynkaŭ u hetym rajonie ŭ svoj čas uzvodzilisia dla svaich patreb aŭtazavodam, ale ich tak i nie darabili. Skončyłasia ŭsio tym, što ŭ 2022 hodzie daŭhabudy pieradali horadu, a paśla Minharvykankam daručyŭ «Minskaj spadčynie» pieraprajektavać ich pad haradski archiŭ.
«Abjekt składajecca ź dźviuch častak. U šaścipaviarchovym budynku buduć raźmieščanyja administracyjnyja pamiaškańni dziaržaŭnaha archiva. Akramia taho, tam raźmieściacca Centr elektronnaha dakumientazvarotu i Biełaruski navukova-daśledčy instytut dakumientaznaŭstva i archiŭnaj spravy», — paviedamiŭ Alaksandr Kochan.
Paviedamlajecca, što archiŭ budzie samym vysokatechnałahičnym u krainie. Tam budzie ŭstanoŭlena samaje sučasnaje abstalavańnie dla pyłavydaleńnia, kandycyjanavańnia i padtrymańnia pastajannaj vilhotnaści pavietra.
Kankretnych terminaŭ zakančeńnia rekanstrukcyi nie nazyvajecca. Pavodle słoŭ Alaksandra Kochana, ciapier na abjekcie zaviaršajucca raboty pa ŭładkavańni dachu i zakryćci konturu budynka.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha14
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu112112
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu112
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary