24 lipienia krainy Jeŭrasajuza ŭzhadnili śpis kontrmier na ahulnuju sumu kala 93 miljardaŭ jeŭra ŭ adkaz na novyja mytnyja pošliny, uviedzienyja ZŠA. Hetyja miery pačnuć dziejničać z 7 žniŭnia, kali da hetaha času ES i ZŠA nie damoviacca, piša Euronews.
Siarod tavaraŭ, na jakija buduć raspaŭsiudžvacca jeŭrapiejskija pošliny, — samaloty, aŭtamabili, zapčastki, apielsinavy sok, ptušynaje miasa, sojevyja baby, stal, aluminij, jachty, a taksama amierykanski burbon. Apošniaje, praŭda, vyklikała sprečki, bo Francyja i Irłandyja bajacca, što ZŠA mohuć uvieści ŭ adkaz pošliny na jeŭrapiejskija viny i inšyja śpirtnyja napoi.
Pierad tym jak zaćvierdzić śpis, Jeŭrakamisija praviała kansultacyi ź jeŭrapiejskim biznesam. Usie krainy — členy ES, akramia Vienhryi, padtrymali miery.
Kali pahadnieńnia da 1 žniŭnia nie budzie dasiahnuta, miery ŭstupiać u siłu, bo na hety dzień prezident ZŠA Donald Tramp pryznačyŭ zapusk 30-pracentnych pošlin na jeŭrapiejski impart.
Akramia taho, ES hatovy skarystacca tak zvanym «instrumientam suprać prymusu», jaki dazvolić błoku ŭdaryć pa śfiery pasłuh ZŠA. Raniej Hiermanija była suprać hetaha, ale ciapier dałučyłasia da Francyi, jakaja zdaŭna padtrymlivała vykarystańnie takoha instrumienta.
Paśla sustrečy fiederalnaha kanclera Hiermanii Frydrycha Mierca i prezidenta Francyi Emanuela Makrona pradstaŭnik Jelisiejskaha pałaca adznačyŭ, što abodva lidary majuć adnolkavaje bačańnie situacyi i spadziajucca na stanoŭčy vynik pieramoŭ, adnačasova rychtujučysia da žorstkich krokaŭ, kali damoŭlenaści nie budzie.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha13
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu107107
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu107
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary