Pasoł Ukrainy ŭ ZŠA: Usia Ukraina molicca, kab Tramp na pieramovach dasiahnuŭ vydatnych vynikaŭ
Pasoł Ukrainy ŭ ZŠA Aksana Markarava vykazała dumku, što padčas pieramovaŭ z Rasijaj, jakija mohuć adbycca 15 žniŭnia na Alascy, ZŠA buduć dziejničać z pazicyi siły. Pra heta jana zajaviła ŭ intervju CBS News, piša «Ukrainskaja praŭda».
Pavodle słoŭ Markaravaj, «usia Ukraina molicca, kab prezident ZŠA Donald Tramp na pieramovach efiektyŭnaściu dasiahnuŭ vydatnych vynikaŭ».
«Dyk tak, my chočam, kab Pucin spyniŭsia, i my sapraŭdy spadziajomsia, što hety cisk prezidenta Trampa, pakiety sankcyj, jakija znachodziacca na stale, i druhasnyja sankcyi, jakija ŭžo ŭviedzieny suprać tych, chto dapamahaje Rasii, pierakanajuć Pucina, što pryjšoŭ čas narešcie spynić svaju ahresiju».
Adkazvajučy na pytańnie nakont miežaŭ i bufiernych zon, pasoł adznačyła, što kancepcyja bufiernych zon źjaŭlajecca sastarełaj.
«Ale kancepcyja bufiernych zon, ci što tam jašče, viedajecie, hetyja sastarełyja, staryja kancepcyi ź minułaha stahodździa bolš nie pracujuć. Linija frontu na ŭschodzie i poŭdni Ukrainy — heta linija frontu pamiž złom i dabrom. I pytańnie ŭ tym, dzie budzie hetaja linija frontu. Ci budzie jana na našaj terytoryi? Ci budzie jana na našych miežach? Ci budzie jana ŭ Jeŭropie i paŭsiul, dzie heta paŭpłyvaje na Jeŭropu, ZŠA i inšych, — skazała jana.
Pavodle Markaravaj, sprava nie tolki ŭ ziamli. Sprava ŭ pryncypach i kaštoŭnaściach.
«I miarkujučy pa niadaŭnich rašeńniach, uklučajučy sankcyi suprać Indyi za padtrymku rasijskaj vajennaj mašyny, u tym liku i nakont tych sankcyj, jakija byli padrychtavany, ja ŭpeŭniena, što ZŠA buduć dziejničać z pazicyi siły, viedajecie, mir praź siłu, i heta dazvolić nam razam znajści rašeńnie dla spynieńnia ahresii Rasii», — zaŭvažyła jana.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu8989
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu89
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary
Pa damovie u 2020 zdajecca raźminavali Čanhar masty z Kryma pabiareżje Azova ( bufier mira)
Dalekaja sivaja staryna " budziapieštski miemierandum" 20 stahodzie
Haranty safity čyyyz miravyja lidziary Harancyi Haranty
21 stahodzie 2014 Jaki miemarandum?? Dzie Haranty? Nichto ničoha ni harantavał))
Drobnymi litarami tekst u nizie bačyli ?? Čytali ?? Sami vinavatyja Nijakich harancyj
Z hetym i Rasieja pahadzicca, ale ž s niuansam) Cikava, a chto byŭ złom, a chto dabrom u druhoj suśvietnaj vajnie?