Siońnia kłub na svaim poli razhramiŭ «Homiel» ź likam 5:0 i za tur da finišu ŭpieršyniu zavajavaŭ załatyja miedali čempijanatu krainy pa futbole.
Minskaje «Dynama» vyjhrała ŭ «Dynama» Bresta 2:0 i budzie ź siarebranymi miedalami.
Mazyrskaja «Słavija» — treciaja.
MŁ Viciebsk — 67, Dynama Minsk — 62, Słavija Mazyr — 54, Dynama Brest, Minsk — 48…
«MŁ Viciebsk» byŭ zasnavany ŭ 1971 hodzie ŭ Rahačovie jak «Dniapro», hulaŭ u čempijanacie BSSR, treciaj i druhoj, potym pieršaj lizie čempijanatu Biełarusi.
Z 2021 hoda staŭ nazyvacca «Maksłajn» (sponsar — bukmiekierskaja kampanija), u 2022 hoda vyjšaŭ u vyšejšuju lihu, ale Biełaruskaja fiederacyja futboła admoviła ŭ licenzavańni. Kłub pierabraŭsia ŭ Viciebsk, a ŭ 2025 hodzie źmianiŭ nazvu na «MŁ Viciebsk».
Hod tamu zaniaŭ druhoje miesca ŭ pieršaj lizie i sioleta adrazu vyjhraŭ vyšejšuju lihu. To-bok u nastupnym hodzie pradstavić Biełaruś u kvalifikacyi Lihi čempijonaŭ.
Darečy, u nastupnym hodzie Biełaruś pradstaviać u jeŭrakubkach try, a nie čatyry kamandy: «MŁ Viciebsk» u kvalifikacyi Lihi čempijonaŭ, minskaje «Dynama» i pieramožca Kubka Biełarusi, što vyznačycca nastupnaj viasnoj, u Lizie kanfierencyj.
Vyšejšuju lihu pakidajuć «Maładziečna» i «Słuck», u jaje vyjšli «Baranavičy» i «Dniapro» (Mahiloŭ), a «Biełšyna» zhulaje ŭ stykavych matčach z kłubam, što finišuje ŭ vyšejšaj lizie 14-m, heta budzie abo «Smarhoń», abo «Naftan», abo «Viciebsk.
Usio vyznačycca ŭ apošnim tury ŭ nastupnyja vychodnyja.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?22
Kamientary