13 studzienia ŭ Ałmaty pačało pracu Hienieralnaje konsulstva Biełarusi. Aficyjny start jaho dziejnaści adbyŭsia paśla taho, jak kiraŭnik pradstaŭnictva MZS Kazachstana ŭ Ałmaty Žanibiek Abdrašaŭ uručyŭ ekziekvaturu hienieralnamu konsułu Biełarusi Dzianisu Mialeškinu.
Padčas sustrečy baki padkreślili značeńnie dalejšaha supracoŭnictva pamiž dźviuma krainami, u tym liku ŭ handlova-ekanamičnaj, inviestycyjnaj i kulturna-sacyjalnaj śfierach.
Pavodle pieršapačatkovych płanaŭ, hienkonsulstva pavinna było adkrycca da 1 studzienia 2026 hoda. Finansavańnie jaho adkryćcia i dziejnaści zabiaśpiečvajecca za košt srodkaŭ, praduhledžanych u respublikanskim biudžecie dla Ministerstva zamiežnych spraŭ.
Biełaruś i Kazachstan padtrymlivajuć dypłamatyčnyja adnosiny z 1992 hoda, u stalicach abiedźviuch dziaržaŭ pracujuć ambasady. Raniej, da 2018 hoda, u Ałmaty ŭžo funkcyjanavała adździaleńnie biełaruskaj ambasady, adnak jano było zakryta ŭ miežach aptymizacyi struktury MZS.
Ałmaty — najbujniejšy horad Kazachstana i byłaja stalica krainy. Tut žyvuć bolš za dva miljony čałaviek, što robić jaho važnym palityčnym, ekanamičnym i kulturnym centram dziaržavy.
Kamientary