«Lepš było b jaho ŭsypić». Zaołah raskazaŭ, jakaja niebiaśpieka dla Biełarusi moža być ad janota, jakoha znajšli mytniki ŭ kantejniery z ZŠA
Učora stała viadoma, što padčas pierahruzki lehkavych aŭtamabilaŭ, dastaŭlenych u Biełaruś z ZŠA, biełaruskija mytniki znajšli niezvyčajnaha hościa: u adnoj z mašyn siadzieŭ janot. Jak miarkujecca, žyviolina zabrałasia ŭ marski kantejnier jašče na etapie pahruzki i takim čynam pieraadoleła akijan. Ci moža jon być niebiaśpiečny dla našaj krainy, raskazaŭ vydańniu «Smartpres» zaołah Alaksandr Vinčeŭski.
Paśla znachodžańnia ŭ kantejniery žyviolinu tut ža adpravili na karancin u Ašmianskuju rajonnuju vietstancyju. Paśla jaho zaviaršeńnia janota płanujuć pieradać albo ŭ Nalibockuju pušču, albo ŭ Hrodzienski zaapark: rašeńnie prymuć z ulikam stanu amierykanskaha hościa.
Adnak, pa słovach zaołaha, lepš za ŭsio było b žyviolinu… usypić. Reč u tym, patłumačyŭ Alaksandr Vinčeŭski, što razam ź janotam u Biełaruś «pryjechali» i parazity — jak vonkavyja, tak i ŭnutranyja. Akramia taho, hety vid u Jeŭropie ličycca invaziŭnym: praściej kažučy, jaho raspaŭsiudžvańnie pahražaje bijałahičnaj raznastajnaści.
«U Jeŭrasajuzie, u adroźnieńnie ad nas, uvoz janotaŭ-pałaskunoŭ zabaronieny. Naprykład, u Hiermanii chtości čullivy vypuściŭ jaho na volu (ci sam źbieh), u vyniku čaho ich tam ciapier miljony. Jany ŭsiudy robiać škodu, bo mohuć i płavać, i pa drevach łazić, i rabavać ŭsich naŭkoła — hniozdy, naprykład. Da taho ž jany jaduć rybu, rakaŭ, ptušaniat, myšej, žab. Uvohule, źniščajuć usio žyvoje», — raskazaŭ zaołah.
Paśla Hiermanii janoty pačali aktyŭna raspaŭsiudžvacca ŭ Polščy, a try hady tamu žyvioł zaŭvažyli ŭ pojmie Zachodniaj Biareziny. Pavodle słoŭ śpiecyjalista, ich bačyli jak minimum u Bresckim, Baranavickim i Iŭjeŭskim rajonach.
«Jość vierahodnaść, što jany ŭžo prysutničajuć u nievialikaj kolkaści pa ŭsioj Zachodniaj Biełarusi. Tamu jašče adzin, na žal, nam nijak nie patrebien», — patłumačyŭ Vinčeŭski.
«Škada žyviolinu, viadoma, ale lepš było b jaje ŭsypić i addać navukoŭcam. Pa-dobramu, navat u zaaparkach treba ad ich pazbaŭlacca, kab nie było prablem dla pryrody. Čužarodny škodny vid… Jašče ŭ 50‑ia hady ich u Biełarusi chacieli intradukavać z-za futra, ale ŭrešcie hetyja niekalki dziasiatkaŭ, vypuščanych na Paleśsi, źniščyli vaŭki i rysi», — dadaŭ zaołah.
Pra toje, što budzie z amierykanskim hościem dalej, paabiacali raskazać mytniki.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha20
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu115115
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu115
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary