Były palitviazień Ihar Łosik raskazaŭ u svaim telehram-kanale, praź jakija vytančanyja ździeki prachodziać źniavolenyja ŭ SIZA KDB.
Siadzieŭ ja ŭ SIZA KDB z adnym padpałkoŭnikam DFR. Jon kateharyčna admaŭlaŭsia pryznavać vinu, i za heta jaho pastajanna karali.
Pakarańni ŭ «amierykancy» adbornyja. Pačynajecca ŭsio z adklučeńnia razietak, mohuć prosta adabrać televizar. Uzrovień vyšej — mohuć prymušać stajać cełymi dniami ŭ adnoj pozie abo na raściažcy. Jašče vyšejšy ŭzrovień — kožnuju hadzinu nočču budziać i prymušajuć spuścić trusy i prysiadać ci krucicca. Jašče vyšejšy ŭzrovień — adviaduć u «miakki pakoj», dzie niama kamier — tam u stol ukručvajuć śpiecyjalny kručok, na jaki padviešvajuć ciabie ŭ kajdankach z rukami za śpinaj i mohuć bić elektrašokieram. Kali vielmi niezhavorlivy, to mohuć pa susiednich kamierach rassadzić usich tvaich svajakoŭ, uklučajučy 80‑hadovuju maci.
Dyk voś, hety padpałkoŭnik prajšoŭ usie ŭzroŭni i ŭsio adno nie zdaŭsia. U jaho spyniałasia serca i vyklikali reanimacyju, jakaja jaho ledź adkačała. I paśla hetaha ździeki nie tolki nie spynilisia, ale navat uzmacnilisia. Na tym ža paviersie ŭ kamiery siadzić jaho siastra.
Vielmi časta ŭ kamieru zajazdžajuć ludzi z adbitymi nyrkami, siniakami i strasieńniem mozhu, z pałamanymi rebrami. Ja ździŭlaŭsia, što siarod takich asabliva šmat ludziej, jakich zatrymlivajuć za banalnuju niavypłatu padatkaŭ. Navošta ich tak źbivać?
Try čałavieki, ź jakimi ja siadzieŭ u kamiery, pry zatrymańni prajšli praz «voziera» — ich advieźli na niejki vadajom, tam bili, nakidali na rot anuču i zalivali vadoj, imitujučy ŭdušeńnie.
Skardzicca, naturalna, niama kamu, budzie tolki horš. Tamu ŭsie, užo znachodziačysia ŭ kamiery, pišuć u tłumačalnych, što albo spatyknulisia, vychodziačy z aŭtobusa, albo začapilisia za korań dreva padčas prabiežki i złamali sabie rebry, nos i vypadkova prastrelili nahu. Heta adbyvajecca ŭ XXI stahodździ ŭ centry Jeŭropy. Dadajcie siudy bonusam jašče adsutnaść prybiralni (viadro) i adsutnaść naraŭ (śpiš na padłozie na draŭlanych paddonach).
Stała viadoma, u jakich žachlivych umovach trymajuć u źniavoleńni psichijatra Ihara Pastnova
«Ihar Bryło siadzieŭ u kamiery biez tualeta. Padčas śledstva jon «ukinuŭ» pa chabarach bolš za 50 čałaviek»
Łosik raskazaŭ, jak siadzieŭ u SIZA KDB z delehatam UNS — pałkoŭnikam milicyi, jaki pjanym ledź nie zabiŭ žonku
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha12
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu105105
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu105
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary