Zima praciahvaje ŭpłyvać na pracu aeraportaŭ: praz nadvorje ŭ «Biełavija» źmianiŭsia raskład rehularnych i čartarnych rejsaŭ.
Siońnia ranicaj aeraport Šaramiećjeva (Maskva) byŭ časova začynieny dla pryjomu pavietranych sudnaŭ, taksama na hety momant prypynieny pryjom i adpraŭka samalotaŭ u aeraporcie Homiela. Heta, u svaju čarhu, pryviało jak da admieny, tak i da pieranosu šerahu rejsaŭ.
Avijakampanija karektuje vylety/pryloty pavietranych sudnaŭ, imknučysia minimizavać dyskamfort dla pasažyraŭ.
Naprykład, pasažyram admienienych rejsaŭ B2 987 i B2 992 Minsk-Šaramiećjeva-Minsk prapanavany bilety na paźniejšy vylet ci vylet u aeraport Unukava.
Paloty ŭ Maskvu, zapłanavanyja na siońnia:
- Ź Minska ŭ Šaramiećjeva: 13.20, 19.55.
- Z Šaramiećjeva ŭ Minsk: 15.40, 22.15.
- Ź Minska ŭ Damadziedava: 17.35. Nazad — 12.50, 19.55.
- Ź Minska va Unukava: 14.50. Nazad — 17.15.
Za aktualnaj infarmacyjaj prośba sačyć na sajcie belavia.by i ŭ kanałach kamunikacyi aeraportaŭ.
Tak, kali vy chočacie viarnuć bilety na admienienyja rejsy ŭ/z Šaramiećjeva, nieabchodna źviartacca pa miescy apłaty.
Pasažyram, jakija płanavali siońnia paloty ŭ/z homielskaha aeraporta, prapanavany inšyja varyjanty: pieranos rejsa na inšuju datu, viartańnie koštu bileta abo vylet praź Minsk (budzie arhanizavany aŭtobusny tranśfier «aeraport Homiel — aeraport Minsk»).
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary