Rasija pahražaje vyjści ź pieramoŭ, kali joj nie addaduć uvieś Danbas
Pavodle infarmacyi ahienctva Bloomberg sa spasyłkaj na krynicy, blizkija da Kramla, Rasija razhladaje mahčymaść vyjści ź mirnych pieramoŭ, jakija prachodziać pry pasiarednictvie ZŠA, kali Ukraina nie pahodzicca na terytaryjalnyja sastupki, u tym liku adnosna nieakupavanaj častki Danieckaj vobłaści.
Surazmoŭcy Bloomberg śćviardžajuć, što najbližejšaja sustreča bakoŭ moža stać vyrašalnaj: u vypadku admovy Kijeva ad kampramisu Maskva moža spynić udzieł u pracesie.
Paviedamlajecca, što Rasija hatovaja padpisać miemarandum ab miry pry ŭmovie vyvadu ŭkrainskich vojskaŭ z Danieckaj vobłaści. Paśla hetaha mahčymaje praviadzieńnie samitu z udziełam lidaraŭ Rasii, ZŠA i Ukrainy dla zaćviardžeńnia pahadnieńnia i ŭzajemnaha advodu vojskaŭ.
Ukraina, jak viadoma, nie zhodnaja pryznać straty terytoryj i ličyć kantralavanuju joju častku Danieckaj vobłaści važnaj dla abarony. Kijeŭ prapanuje spynieńnie ahniu pa ciapierašniaj linii frontu i viartańnie terytoryj vyklučna dypłamatyčnym šlacham pry harantyjach biaśpieki z boku ZŠA i ES.
Što ž da samoj Rasii, to jana, pavodle krynic Bloomberg, nibyta hatovaja vyvieści vojski z tych nievialikich častak Sumskaj, Charkaŭskaj i Dnieprapiatroŭskaj abłaściej, jakija jana ciapier zajmaje, admovicca ad pretenzij na terytoryi Chiersonskaj i Zaparožskaj abłaściej, jakija zastajucca pad kantrolem Ukrainy, pahadzicca na manitorynh pieramirja pad kiraŭnictvam ZŠA i admovicca ad patrabavańniaŭ skaracić kolkaść ukrainskaj armii. Pry hetym Maskva nie pahodzicca na raźmiaščeńnie zamiežnych vojskaŭ na terytoryi Ukrainy.
Asobna abmiarkoŭvajecca budučynia Zaparožskaj AES: prapanujucca roznyja varyjanty sumiesnaha kiravańnia z udziełam ZŠA, Rasii i Ukrainy. Pieramovy ŭ Abu-Dabi i Ženievie, pavodle krynic, zajšli ŭ tupik mienavita z-za terytaryjalnaha pytańnia, choć pa inšych punktach damoŭlenaści dasiahnutyja ŭ značnaj stupieni.
Raniej paviedamlałasia pra płanavańnie trochbakovych pieramoŭ u AAE ŭ pačatku sakavika, adnak miesca ich praviadzieńnia moža źmianicca z-za novych mižnarodnych abstavin.
Naš vychad z Danbasa nie spynić Pucina: Zialenski nazvaŭ čakańni ZŠA niedalnabačnymi
U 2025 u Rasii apublikavali na 40% bolš niekrałohaŭ pa vajskoŭcach, čym u 2024
Nastup Ukrainy na Poŭdni: jakija jaho mety i vyniki
Tempy prasoŭvańnia rasijskaj armii va Ukrainie ŭpali da minimumu ź viasny minułaha hoda
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha27
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu128128
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu128
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary